ಮಂಡಗದ್ದೆಯ ಮೀನು ಹೋಟೆಲ್ ಉದ್ಯಮದ ರೂವಾರಿ
ತೀರ್ಥಹಳ್ಳಿ ತಾಲ್ಲೂಕಿನ
ಮಂಡಗದ್ದೆಯ ಮಾಂಡವಿ ಹೋಟೆಲ್ ಮಾಲೀಕ ಸುಬ್ಬಣ್ಣ (75) ಶುಕ್ರವಾರ ರಾತ್ರಿ ನಿಧನರಾಗಿದ್ದಾರೆ.
ಮಂಡಗದ್ದೆ ಇಂದು
ರಾಜ್ಯದಾದ್ಯಂತ ರುಚಿಕರ ಮೀನು ಊಟಕ್ಕೆ ಫೇಮಸ್ ಆಗಿದೆ. ಅಲ್ಲದೇ ಈ ಭಾಗದಲ್ಲಿ ಇಂದಿಗೂ ಹತ್ತಾರು ಮೀನಿನ
ಹೋಟೆಲ್ ಉದ್ಯಮಗಳು ನಡೆಯುತ್ತಿವೆ. ಶಿವಮೊಗ್ಗದಿಂದ ಹಿಡಿದು ರಾಜ್ಯದ ಚಲಚಿತ್ರ ನಟರು, ರಾಜಕಾರಣಿಗಳು
ತರಹೇವಾರಿ ಮೀನಿನ ಔತಣಕ್ಕಾಗಿ ಗುಟ್ಟಾಗಿ ಬಂದು ಹೋಗುವ ಸನ್ನಿವೇಶಗಳು ಅನೇಕ ಬಾರಿ ನಡೆಯುತ್ತಿರುತ್ತದೆ.
ತುಂಗಾ ಡ್ಯಾಂ ಆದ ಬಳಿಕ ಇಲ್ಲಿ ಸಿಗುವ ಮೀನುಗಳಿಗೆ ವಿಶೇಷವಾದ ಬೇಡಿಕೆ ಇದೆ ಎಂದರೆ ತಪ್ಪಾಗಲಾದರು.
80ರ ದಶಕದಲ್ಲಿ ಮೊದಲ
ಬಾರಿಗೆ ಮೀನಿನ ಹೋಟೆಲ್ ಆರಂಭಿಸಿ ಇಲ್ಲೊಂದು ಮೀನಿನ ಹೋಟೆಲ್ ಉದ್ಯಮ ನಡೆಸಬಹುದೆಂಬ ಕನಸು ಕಟ್ಟಿದ್ದ
ಸುಬ್ಬಣ್ಣ ಆರಂಭಿಕವಾಗಿ ಮಂಡಗದ್ದೆ ರೈಸ್ಮಿಲ್ ಪಕ್ಕದಲ್ಲಿ ಹೋಟೆಲ್ ಆರಂಭಿಸಿದ್ದರು. ತುಂಗಾ ಮೇಲ್ದಂಡೆ
ಯೋಜನೆ ಬಳಿಕ 17ನೇ ಮೈಲಿಕಲ್ಲಿಗೆ ತಮ್ಮ ಹೋಟೆಲ್ ಉದ್ಯಮವನ್ನು ಸ್ಥಳಾಂತರಿಸಿದ್ದರು. ನಂತರ ಆಗಿರುವುದು
ಪೂರ್ಣ ಪ್ರಮಾಣದ ಇತಿಹಾಸವೆಂದರೆ ತಪ್ಪಾಗಲಾರದು.
ಅವರಿಗೆ ಪತ್ನಿ,
ಪುತ್ರ, ಪುತ್ರಿ ಇದ್ದಾರೆ.