ಶಿಗ್ಗಾವಿ ; ತೀರ್ಥಹಳ್ಳಿ ಬಿಜೆಪಿ ನಾಯಕರ ಪ್ರಚಾರ

ವಿವಿಧ ಗ್ರಾಮಗಳಿಗೆ ತೆರಳಿ ಮತಯಾಚನೆ
ಭರತ್ ಬೊಮ್ಮಯಿಗೆ ಇದೆ ತೀರ್ಥಹಳ್ಳಿ ನಿಕಟ  ಸಂಬಂಧ

ಶಿಗ್ಗಾವಿಯ ಉಪಚುನಾವಣೆ ಬಿರುಸಿನ ಪ್ರಚಾರದಲ್ಲಿ ಭಾನುವಾರ ತೀರ್ಥಹಳ್ಳಿಯ ಬಿಜೆಪಿ ನಾಯಕರು ಪಾಲ್ಗೊಂಡಿದ್ದರು. ಭರತ್ ಬಸವರಾಜ ಬೊಮ್ಮಯಿ ಜೊತೆಗೆ ಮನೆ ಮನೆಗಳಿಗೆ ತೆರಳಿ ಮತಯಾಚಿಸಿದರು.

ತೀರ್ಥಹಳ್ಳಿಯ ಬಿಜೆಪಿ ಮಂಡಲದ ಅಧ್ಯಕ್ಷ ನವೀನ್ ಹೆದ್ದೂರು, ಕಾರ್ಯದರ್ಶಿ ಮಧುರಾಜ್ ಹೆಗ್ಡೆ, ಜಿಲ್ಲಾ ಯುವಮೋರ್ಚಾ ಅಧ್ಯಕ್ಷ ಪ್ರಶಾಂತ್ ಕುಕ್ಕೆ, ತಾಲ್ಲೂಕು ಯುವಮೋರ್ಚಾ ಪ್ರಧಾನ ಕಾರ್ಯದರ್ಶಿ ಗಬಡಿ ಪ್ರದೀಪ್ ಭರತ್ ಬೊಮ್ಮಯಿ ಪರವಾಗಿ ಮತಯಾಚನೆ ನಡೆಸಿದರು.

ಬಸವರಾಜ ಬೊಮ್ಮಯಿ ಪುತ್ರ ಭರತ್ ಬೊಮ್ಮಯಿ ತೀರ್ಥಹಳ್ಳಿ ತಾಲ್ಲೂಕಿನ ತೂದೂರು ಅಳಿಯ. ಬಸವರಾಜ ಬೊಮ್ಮಾಯಿ ಸಿಎಂ ಆಗಿದ್ದಾಗ ತಮ್ಮ ಬೀಗರ ಮನೆಗೆ ತೆರಳಿರುವುದನ್ನು ನೆನಪಿಸಿಕೊಳ್ಳಬಹುದು. ಅಲ್ಲದೇ ನೂತನವಾಗಿ ತುಂಗಾ ನದಿಗೆ ಅಡ್ಡಲಾಗಿ ಗಬಡಿನಲ್ಲಿ ನಿರ್ಮಾಣವಾಗುತ್ತಿರುವ ಹೊಸಹಳ್ಳಿ ಸಂಪರ್ಕದ ಸೇತುವೆಯನ್ನು ಇದೇ ಉದ್ದೇಶಕ್ಕೆ ನೀಡಿದ್ದರು.