ಆಗುಂಬೆಗೆ ಬಂದ ಮೂರು ಕಾಡಾನೆಗಳು

ಕಾಡಾನೆ ಜೊತೆಗೆ ಹೆಜ್ಜೆ ಇಡುತ್ತಿರುವ ಮರಿಯಾನೆ

ಆಗುಂಬೆ ಸಮೀಪದ ಕಾಡುಗಳಲ್ಲಿ ರಾತ್ರಿ ಮೂರು ಕಾಡಾನೆಗಳು ಕಾಣಿಸಿಕೊಂಡಿದೆ. ಕೆಸರುಕೊಂಡ ಹಾಗೂ ನೇರಲಕೊಡಿಗೆ ಗ್ರಾಮಗಳಲ್ಲಿ ಆನೆ ಸಂಚಾರ ನಡೆಯುತ್ತಿದೆ. ಎರಡು ದೊಡ್ಡ ಕಾಡಾನೆಗಳ ಜೊತೆಗೆ ಮರಿಯಾನೆ ಕೂಡ ಇರುವುದರಿಂದ ಗ್ರಾಮಸ್ಥರು ಜಾಗೃತಿ ಮೂಡಿಸಲಾಗುತ್ತಿದೆ.

ಆಗುಂಬೆ ಗ್ರಾಮ ಪಂಚಾಯಿತಿ, ಅರಣ್ಯ ಇಲಾಖೆ ಕಾಡಾನೆ ಕುರಿತಂತೆ ಗ್ರಾಮಸ್ಥರಲ್ಲಿ ಜಾಗೃತಿ ಮೂಡಿಸುತ್ತಿದ್ದಾರೆ. ರಾತ್ರಿ ಸಂಚರಿಸದಂತೆ ಎಚ್ಚರಿಕೆ ನೀಡಲಾಗಿದೆ. ಆಗುಂಬೆಯಲ್ಲಿ ಓಡಾಡುತ್ತಿದ್ದ ಕಾಡಾನೆ ಶೃಂಗೇರಿ ಸಮೀಪ ಸೆರೆಯಾದ ಬಳಿಕ ಕಾಡಾನೆ ಸಂಚಾರ ತಪ್ಪುತ್ತದೆ ಎಂಬ ನಿರೀಕ್ಷೆಯಲ್ಲಿದ್ದ ಆಗುಂಬೆ ಜನರಲ್ಲಿ ಇದೀಗ ಹೊಸ ಆತಂಕ ಆರಂಭಗೊಂಡಿದೆ. ಆಗುಂಬೆ ಕಾಡಾನೆ ಸಂಚಾರ ನಿಲ್ಲಿಸಿರುವುದರಿಂದ ಇತರೆ ಆನೆಗಳು ಈ ಕಡೆಗೆ ಆಕರ್ಷಿತಗೊಳ್ಳುತ್ತಿದೆಯೇ ಎಂಬ ಅನುಮಾನ ದಟ್ಟವಾಗುತ್ತಿದೆ.