ಬಸವಾನಿ ಸೊಸೈಟಿ
ನೂತನ ಕಟ್ಟಡ ಲೋಕಾರ್ಪಣೆ
ಪಠ್ಯದೊಳಗೆ ಸಹಕಾರಿ ವ್ಯವಸ್ಥೆ ಪರಿಚಯ - ಮಧು ಬಂಗಾರಪ್ಪ
ತೀರ್ಥಹಳ್ಳಿ : ಸಹಕಾರಿ
ವ್ಯವಸ್ಥೆ ಗ್ರಾಮೀಣ ಜನರ ವಿಶ್ವಾಸಗಳಿಸಿದೆ. ಸರ್ಕಾರ ಮಾಡಲಾಗದ ಅನೇಕ ಕೆಲಸಗಳನ್ನು ಇಂತಹ ಸಂಸ್ಥೆಗಳು
ಮಾಡುತ್ತಿವೆ. ಇವುಗಳ ಕುರಿತು ಮಕ್ಕಳಿಗೆ ಅಗತ್ಯ ಜ್ಞಾನ ನೀಡಲು ಪಠ್ಯದಲ್ಲಿ ಸೇರಿಸಲು ಚಿಂತನೆ ನಡೆಸಲಾಗುವುದು
ಎಂದು ಶಾಲಾ ಶಿಕ್ಷಣ ಮತ್ತು ಸಾಕ್ಷರತಾ ಸಚಿವ ಮಧು ಬಂಗಾರಪ್ಪ ಹೇಳಿದರು.
ಭಾನುವಾರ ಬಸವಾನಿ
ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘದ ನೂತನ ಕಟ್ಟದ ಉದ್ಘಾಟಿಸಿ ಅವರು ಮಾತನಾಡಿ, ಕೃಷಿಕರ ಬದುಕು
ಗಟ್ಟಿಗೊಳಿಸುವಲ್ಲಿ ಸಹಕಾರಿ ಸಂಘಗಳು ಪ್ರಮುಖ ಪಾತ್ರ ವಹಿಸಿದೆ. ರೈತರ ಉದ್ದಾರಕ್ಕಾಗಿ ಉಚಿತ ವಿದ್ಯುತ್
ಪೂರೈಕೆ ಮಾಡಿದ ನಂತರ ಸಾಗುವಳಿ ಹೆಚ್ಚಾಗಿದೆ ಎಂದು ಹೇಳಿದರು.
ಟೆಂಡರ್ ಮೊತ್ತಕ್ಕಿಂತ
41 ಲಕ್ಷ ರೂಪಾಯಿ ಹಣ ಉಳಿಸಿರುವುದು ಸಾಮಾನ್ಯ ಸಾಧನೆಯಲ್ಲ.
ಯಾರು ಕೂಡ ಕೆಲಸ ಮಾಡುವಾಗ ನಷ್ಟ ಮಾಡಿಕೊಳ್ಳಬೇಕು ಎಂದು ಅಪೇಕ್ಷಿಸುವುದಿಲ್ಲ. ಕಟ್ಟಡದ ಕಾಮಗಾರಿ ಶಿಸ್ತು
ಬದ್ಧವಾಗಿ ನಡೆದಿದೆ. ಕಟ್ಟಡ ನಿರ್ಮಾತೃ ಬಸವಾನಿ ವಿಜಯದೇವ್ ಶ್ರಮ ಮತ್ತು ಶ್ರದ್ಧೆ ಉಳಿದವರಿಗೆ ಪ್ರೇರಣೆಯಾಗಲಿ
ಎಂದರು.
“ಕೃಷಿ, ತೋಟಗಾರಿಕೆ
ಕ್ಷೇತ್ರ ಬೆಳವಣಿಗೆ ಗಾಂಧಿಯ ಕನಸು ಕಂಡಿದ್ದರು. ನೆಹರು ಅದಕ್ಕೆ ಸ್ವಾತಂತ್ರ್ಯ ನಂತರ ಚಾಲನೆ ನೀಡಿದರು.
ಸಹಕಾರಿ ಕ್ಷೇತ್ರದ ಬೆಳವಣಿಗೆಯಿಂದ ವಿಶೇಶಕ್ಕೆ ಭಾರತದ ಉತ್ಪನ್ನಗಳು ರಪ್ತಾಗುತ್ತಿದೆ” ಎಂದು ಕರ್ನಾಟಕ
ನವೀಕರಿಸಬಹುದಾದ ಇಂಧನ ಅಭಿವೃದ್ಧಿ ನಿಗಮದ ಅಧ್ಯಕ್ಷ ಟಿ.ಡಿ.ರಾಜೇಗೌಡ ಹೇಳಿದರು.
“ತೀರ್ಥಹಳ್ಳಿಗೆ
388 ಕೋಟಿ ಸಾಲ ವಿತರಿಸಿದ್ದೇವೆ” ಎಂದು ಡಿಸಿಸಿ ಬ್ಯಾಂಕ್
ಅಧ್ಯಕ್ಷ ಆರ್.ಎಂ.ಮಂಜುನಾಥ ಗೌಡ ಹೇಳಿದರು.
“ವ್ಯಕ್ತಿಯ ಆಧಾರದ
ಮೇಲೆ ಸಹಕಾರಿ ವ್ಯವಹಾರ ನಡೆಯುತ್ತಿದೆ. ಇದರ ಮೇಲೆ ಮೀಸಲಾತಿ ಹೇರಿ ಉಪದ್ರ ನೀಡಬಾರದು” ಎಂದು ಶಾಸಕ
ಆರಗ ಜ್ಞಾನೇಂದ್ರ ಹೇಳಿದರು.
ಸಂಘದ ಹಿರಿಯ ನಿರ್ದೇಶಕ ಬಸವಾನಿ ವಿಜಯದೇವ್ ಅಧ್ಯಕ್ಷತೆ ವಹಿಸಿದ್ದರು. ಅಪರ ಜಿಲ್ಲಾಧಿಕಾರಿ ವಿ.ಅಭಿಷೇಕ್, ತಹಶೀಲ್ದಾರ್ ರಂಜಿತ್ ಎಸ್., ಸಹಕಾರ ಸಂಘಗಳ ಸಹಾಯಕ ನಿಬಂಧಕ ಟಿ.ವಿ.ಶ್ರೀನಿವಾಸ್ ಇದ್ದರು.
