ಯಶಸ್ವಿಯಾಗಿ ನಡೆದ ಉಚಿತ ಶ್ರವಣ ತಪಾಸಣೆ ಶಿಬಿರ

ಜನತೆಯ ಆರೋಗ್ಯ ಸಮಸ್ಯೆಗೆ ಸಹಕಾರಿ ವ್ಯವಸ್ಥೆ ಸ್ಪಂದಿಸಬೇಕು – ರಾಘವೇಂದ್ರ ಶೆಟ್ಟಿ

ತೀರ್ಥಹಳ್ಳಿ ತುಳುನಾಡು ಸಿರಿ ಸೌಹಾರ್ದ ಸಹಕಾರಿ ಮತ್ತು ತಾಲೂಕು ಕಾರ್ಯನಿರತ ಪತ್ರಕರ್ತರ ಸಂಘ, ರೋಟರಿ ಕ್ಲಬ್ ಇವರುಗಳ ವತಿಯಿಂದ ಸೊಪ್ಪುಗುಡ್ಡೆ ಮಾರಿಕಾಂಬಾ ಸಭಾಂಗಣದಲ್ಲಿ ಭಾನುವಾರ ಏರ್ಪಡಿಸಲಾಗಿದ್ದ ಉಚಿತ ಶ್ರವಣ ತಪಾಸಣಾ ಶಿಬಿರ ಯಶಸ್ವಿಯಾಗಿ ನಡೆಯಿತು.

ಶಿಬಿರ ಉದ್ಘಾಟನೆಗೊಳಿಸಿ ತುಳುನಾಡ ಸಿರಿ ಸೌಹಾರ್ದ ಸಹಕಾರಿ ಅಧ್ಯಕ್ಷ ರಾಘವೇಂದ್ರ ಶೆಟ್ಟಿ ಮಾತನಾಡಿ, ಅರೋಗ್ಯ ಸೇವೆ ದುಬಾರಿಯಾಗುತ್ತಿರುವ ಇಂದಿನ ದಿನಗಳಲ್ಲಿ ಜನಸಾಮಾನ್ಯರಿಗೆ ಅನುಕೂಲವಾಗುವ ನಿಟ್ಟಿನಲ್ಲಿ ತುಳುನಾಡ ಸಿರಿ ಸಹಕಾರಿ ನಿರಂತರವಾಗಿ ಉಚಿತ ಅರೋಗ್ಯ ಶಿಬಿರಗಳನ್ನು ನಡೆಸಿಕೊಂಡು ಬರುತ್ತಿದೆ. ಯಾವುದೇ ಸಂಘ ಸಂಸ್ಥೆ ಬೆಳೆದು ನಿಲ್ಲಲು ಜನರ ವಿಶ್ವಾಸ ಮುಖ್ಯ ಹಾಗೆ ಬೆಳೆದಾಗ ಕೇವಲ ಲಾಭದ ಕಡೆ ನೋಡದೆ ಜನಪರವಾಗಿ ಕೂಡ ಯೋಚಿಸಬೇಕು ಎನ್ನುವುದು ನಮ್ಮ ಧ್ಯೇಯ. ಈ ಶಿಬಿರಕ್ಕೆ ದೂರದ ದಾವಣಗೆರೆಯಿಂದ ಕೂಡ ಆಸಕ್ತಿಯುಳ್ಳವರು ಬಂದಿರುವುದು ಶಿಬಿರ ಎಷ್ಟು ಮಹತ್ವದ್ದು ಎನ್ನುವುದನ್ನು ಮನದಟ್ಟು ಮಾಡಿದೆ ಮತ್ತು ನಮ್ಮೆಲ್ಲರಲ್ಲಿ ಸಾರ್ಥಕ ಭಾವನೆ ಮೂಡಿಸಿದೆ ಮುಂದು ಈ ರೀತಿ ಜನಪರ ಕಾರ್ಯಕ್ರಮಗಳು ನಿರಂತರವಾಗಿ ತುಳುನಾಡ ಸಿರಿ ಸಹಕಾರಿಯಿಂದ ಮೂಡಿ ಬರಲಿವೆ ಎಂದರು.

ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ಮೋಹನ್ ಮುನ್ನೂರು, ತುಳುನಾಡ ಸಿರಿ ಉಪಾಧ್ಯಕ್ಷ ವೈ.ಗಣಪತಿ ನಿರ್ದೇಶಕರಾದ ವಿಶಾಲ್ ಕುಮಾರ್, ಸುರೇಶ್ ಶೆಟ್ಟಿ, ಬೆಟಮಕ್ಕಿ ರಾಘವೇಂದ್ರ ಶೆಟ್ಟಿ, ಮುಖ್ಯ ಕಾರ್ಯ ನಿರ್ವಹಣಾಧಿಕಾರಿ ಅಶ್ವಿನಿ, ರಾಘವೇಂದ್ರ ಭಟ್, ವಿಜ್ಞಹರ್ತ ಆಸ್ಪತ್ರೆ ತಜ್ಞ ವೈದ್ಯರು ಸಿಬ್ಬಂದಿ ಉಪಸ್ಥಿತರಿದ್ದರು.