21 ದನಗಳನ್ನು ವಶಕ್ಕೆ
ಪಡೆದ ಪೊಲೀಸರು - ಆರೋಪಿ ಪತ್ತೆಗೆ ಬಲೆ
ಗೋಹತ್ಯೆ ನಿಷೇಧ
ಕಾಯ್ದೆಯ ನಡುವೆ ಹೆಚ್ಚಿದೆಯಾ ಹತ್ಯೆ
ಬಿಜೆಪಿಯ ಶಾಸಕ ಆರಗ
ಜ್ಞಾನೇಂದ್ರರ ಸ್ವಕ್ಷೇತ್ರದಲ್ಲಿ ಎತ್ತ ಸಾಗುತ್ತಿದೆ ಆಡಳಿತ?
ತೀರ್ಥಹಳ್ಳಿಯ ಮಂಡಗದ್ದೆ
ಸಮೀಪದ ಮನೆಯೊಂದರಲ್ಲಿ ಮಾಂಸಕ್ಕಾಗಿ ಕಡಿಯುವ ಉದ್ದೇಶಕ್ಕೆ 21 ಜಾನುವಾರುಗಳನ್ನು ಒಂದೆಡೆ ಸೇರಿಸಿದ
ಘಟನೆ ನಡೆದಿದೆ. ಖಚಿತ ಮಾಹಿತಿ ಮೇರೆಗೆ ಮಾಳೂರು ಪೊಲೀಸರು ದಾಳಿ ನಡೆಸಿ ಜಾನುವಾರುಗಳನ್ನು ರಕ್ಷಿಸಿದ್ದಾರೆ.
ಆರೋಪಿ ಜಬಿವುಲ್ಲಾ
ಎಂಬುವವರ ಮನೆಯಲ್ಲಿ ಜಾನುವಾರು ಕಟ್ಟಿದ್ದು ದಾಳಿಯ ವೇಳೆ ಆರೋಪಿ ತಪ್ಪಿಸಿಕೊಂಡಿದ್ದು ತನಿಖೆ ಮುಂದುವರೆಸಿದ್ದಾರೆ.
ತೀರ್ಥಹಳ್ಳಿ ಡಿವೈಎಸ್ಪಿ ಗಜಾನನ ವಾಮನ ಸುತಾರ, ಸರ್ಕಲ್‌ ಇನ್ಸ್‌ಪೆಕ್ಟರ್‌ ಶ್ರೀಧರ ನೇತೃತ್ವದ ತಂಡ
ಆರೋಪಿಗಳ ಪತ್ತೆಗೆ ಬಲೆ ಬೀಸಿದ್ದಾರೆ.
ತೀರ್ಥಹಳ್ಳಿಯಲ್ಲೇ ಗೋಹತ್ಯೆ ಹೆಚ್ಚಳ ?
ತೀರ್ಥಹಳ್ಳಿ ತಾಲ್ಲೂಕಿನಲ್ಲಿ
ಗೋಹತ್ಯೆ ಪ್ರಕರಣಗಳು ಹೆಚ್ಚುತ್ತಿದ್ದು ಹಿಂದೂ ಕಾರ್ಯಕರ್ತರ ಆತಂಕ ದಿನೇ ದಿನೇ ಅಭದ್ರತೆಯತ್ತ ಸಾಗುತ್ತಿದೆ.
ಅಕ್ರಮ ಗೋಸಾಟ ಪ್ರಕರಣಗಳು ವರದಿಯಾಗುತ್ತಿದ್ದು ಇದಕ್ಕೆ ನಿಯಂತ್ರಣವಿಲ್ಲವೇ ಎಂಬ ದೂರುಗಳು ಕೂಡ ಸಹಜವಾಗಿ
ಕೇಳಿ ಬರುತ್ತಿದೆ. ರಾಜ್ಯದಲ್ಲಿ ಬಿಜೆಪಿ ಸರ್ಕಾರದ ಅವಧಿಯಲ್ಲಿ ಗೋಹತ್ಯೆ ನಿಷೇಧ ಕಾಯ್ದೆಯನ್ನು ಅಂದಿನ
ಗೃಹಸಚಿವ ಆರಗ ಜ್ಞಾನೇಂದ್ರ ನೇತೃತ್ವದಲ್ಲೇ ರಾಜ್ಯ ಸರ್ಕಾರ ವಿಧಾನಸಭೆಯಲ್ಲಿ ಮಂಡಿಸಿತ್ತು. ಆದರೆ
ಇಂದಿಗೂ ಕೂಡ ಗೋವುಗಳನ್ನು ರಕ್ಷಿಸುವಲ್ಲಿ ಆಡಳಿತ ವಿಫಲವಾಯಿತೇ ಎಂಬ ಪ್ರಶ್ನೆ ಸಹಜವಾಗಿ
ಸಾರ್ವಜನಿಕ ವಲಯದಲ್ಲಿ ಚರ್ಚೆಗೀಡಾಗುತ್ತಿದೆ.
ತೀರ್ಥಹಳ್ಳಿಯಲ್ಲಿ
ಗೋವುಗಳನ್ನು ರಾತ್ರೋ ರಾತ್ರಿ ಕದ್ದು, ಲಾಂಗು, ಮಚ್ಚು ಎಂದು ಸ್ಥಳೀಯರಿಗೆ ಹೆದರಿಸಿ ಬೆದರಿಸಿ, ಗೋವುಗಳ
ಕಾಲು ಮುರಿದು ಗಾಡಿಗಳಿಗೆ ತುಂಬುತ್ತಿದ್ದರೂ ಯಾರು ತುಟಿಕ್‌ ಪಿಟಿಕ್‌ ಎಂದು ಸದ್ದು ಕೂಡ ಮಾಡುವುದಿಲ್ಲ.
ಶಾಸಕ ಆರಗ ಜ್ಞಾನೇಂದ್ರ ಚುನಾವಣಾ ಸಂದರ್ಭದಲ್ಲಿ ಮಾತ್ರವೇ ಹಿಂದೂಗಳ ಭಾವನೆಗಳನ್ನು ಕೆರಳಿಸಿ ಮತ ಗಿಟ್ಟಿಸಿಕೊಳ್ಳುವ
ಪ್ರಯತ್ನ ಮಾಡುತ್ತಾರೆ. ಚುನಾವಣೆ ನಂತರ ಹಿಂದೂಗಳ ಭಾವನೆಗಳನ್ನು ರಕ್ಷಿಸುವ ಕೆಲಸ ಮಾಡುತ್ತಿಲ್ಲ ಎಂಬ
ಆರೋಪಗಳನ್ನು ಹಿಂದೂ ಕಾರ್ಯಕರ್ತರು ಹೊರಹಾಕುತ್ತಿದ್ದಾರೆ.
ಮಾಂಸಕ್ಕಾಗಿ ಗೋವುಗಳನ್ನು
ಒಂದೆಡೆಗೆ ಸೇರಿಸುವ ಪ್ರಕರಣಗಳ ಬಗ್ಗೆ ಸೂಕ್ತ ತನಿಖೆ ನಡೆಸಬೇಕು. ಮಾಂಸಕ್ಕಾಗಿ ಗೋವು ಕಡಿಯುವ ಕಟುಕರ ಬಗ್ಗೆ ಹೆಚ್ಚಿನ ನಿಗಾ ವಹಿಸಲು
ವಿಶೇಷ ತಂಡ ರಚಿಸಬೇಕು ಎಂಬ ಆಗ್ರಹ ಸಾರ್ವಜನಿಕ ವಲಯದಲ್ಲಿ ಕೇಳಿ ಬರುತ್ತಿದೆ.