ಮತದಾನ ಪ್ರಕ್ರಿಯೆ 20 ನಿಮಿಷ ಸ್ಥಗಿತ
ಸಿಂದೂವಾಡಿ ಮತಕೇಂದ್ರದಲ್ಲಿ ಸಮಸ್ಯೆ
ತೀರ್ಥಹಳ್ಳಿ ತಾಲ್ಲೂಕಿನ ಮಂಡಗದ್ದೆ ಹೋಬಳಿಯ ಸಿಂಧೂವಾಡಿ ಸರ್ಕಾರಿ ಹಿರಿಯ ಪ್ರಾಥಮಿಕ ಪಾಠಶಾಲೆ ಮತಗಟ್ಟೆ ಸಂಖ್ಯೆ 128ರಲ್ಲಿ ಮತದಾನ ಪ್ರಕ್ರಿಯೆ ವೇಳೆ ತಾಂತ್ರಿಕ ದೋಷದಿಂದ ಮತಯಂತ್ರ ಕೈಕೊಟ್ಟಿದೆ.
ಬೆಳಗ್ಗಿನಿಂದ ಸುಮಾರು 28 ಮತ ಚಲಾವಣೆಯ ಬಳಿಕ ಮತಯಂತ್ರ ಹಾಳಾಗಿರುವುದು ಮತದಾರರಲ್ಲಿ ಕೆಲ ಸಮಯದ ಕಾಲ ಆತಂಕ ಸೃಷ್ಟಿಸಿತ್ತು. ಚಲಾವಣೆಯಾದ ಮತಗಳು ಕೂಡ ಏನಾದವೂ ಎಂಬ ಗೊಂದಲ ನಿರ್ಮಾಣವಾಗಿತ್ತು.
ತಕ್ಷಣ ಬೂತ್ ಸಿಬ್ಬಂದಿಗಳು ನೋಡೆಲ್ ಅಧಿಕಾರಿಗಳನ್ನು ಸಂಪರ್ಕಿಸಿದ್ದು ತಾಂತ್ರಿಕ ಸಿಬ್ಬಂದಿಗಳನ್ನು ಕರೆಸಿಕೊಂಡು ಇವಿಎಂ ಮಿಷನ್ ದುರಸ್ಥಿಗೊಳಿಸಿದ್ದಾರೆ. ಈ ಪ್ರಕ್ರಿಯೆ ಸುಮಾರು 20 ನಿಮಿಷ ನಡೆದಿದ್ದರಿಂದ ಸಿಂಧೂವಾಡಿ ಮತಕೇಂದ್ರದಲ್ಲಿ ಕೆಲ ಕಾಲ ಗೊಂದಲಕ್ಕೆ ಈಡಾಗಿತ್ತು.