ಪತ್ರಕರ್ತ ಪಿ.ಮಂಜುನಾಥ್ ಮಾತೃವಿಯೋಗ
ತೀರ್ಥಹಳ್ಳಿ ಮಿತ್ರ ವಾರಪತ್ರಿಕೆಯ ಸಂಪಾದಕ ಪಿ. ಮಂಜುನಾಥ್ ತಾಯಿ ಗೀತಮ್ಮ (59) ಬುಧವಾರ ರಾತ್ರಿ 11.30 ಕ್ಕೆ ವಿಧಿವಶರಾದರು. ಶ್ರಮಜೀವಿಯಾಗಿ ಬದುಕು ಕಟ್ಟಿಕೊಂಡಿದ್ದ ಅವರು ಪತಿಯ ಮರಣದ ನಂತರ ನಾಲ್ವರು ಮಕ್ಕಳನ್ನು ಅತ್ಯಂತ ಕಾಳಜಿಯಿಂದ ಬೆಳೆಸಿದ್ದರು. ಜೀವನದ ಏಳುಬೀಳುಗಳನ್ನು ಗಟ್ಟಿಯಾಗಿ ಎದುರಿಸಿ ಮಕ್ಕಳಿಗಾಗಿ ತಮ್ಮ ಬದುಕನ್ನು ಸಂಪೂರ್ಣ ತ್ಯಾಗ ಮಾಡಿದ್ದರು. ಮಕ್ಕಳನ್ನು ಬೆಳೆಸುವುದರಲ್ಲಿಯೇ ಜೀವನದ ಪರಿಪೂರ್ಣತೆ ಕಂಡುಕೊಂಡಿದ್ದರು.
ಇವರಿಗೆ ಪುತ್ರ ಪಿ.ಮಂಜುನಾಥ್ ಸೇರಿದಂತೆ ಮೂವರು ಪುತ್ರಿಯರು, ಮೊಮ್ಮಕ್ಕಳು ಇದ್ದಾರೆ. ಪಾರ್ಥಿವ ಶರೀರವನ್ನು ಮೇಲಿನಕುರುವಳ್ಳಿಯ ಸ್ವಗೃಹದಲ್ಲಿ ಅಂತಿಮ ದರ್ಶನಕ್ಕೆ ಇಡಲಾಗಿದೆ. ಅಂತ್ಯಕ್ರಿಯೆ 12.30ಕ್ಕೆ ಗಂಟೆಗೆ ನಡೆಯಲಿದೆ.
