ಪ್ರತೀಕ್ ಗೌಡನ ವಿರುದ್ಧ ಎಫ್ಐಆರ್
ದೂರು ಕೊಟ್ಟಿದ್ದು ಹಿಂದೂ ಮುಖಂಡರೇ..!
ಪ್ರತೀಕ್ ಗೌಡ ಅಶ್ಲೀಲ ವೀಡಿಯೋ ಚಿತ್ರೀಕರಿಸಿಕೊಂಡು ಬಳಿಕ ಶೋಷಿತ ಯುವತಿಯರಿಂದ ಹಣಕ್ಕಾಗಿ ಬೇಡಿಕೆ ಇಟ್ಟಿದ ಎನ್ನುವುದು ದೂರಿನ ಸಾರಾಂಶವಾಗಿದೆ.
ಆದರೆ ಈ ದೂರು ಸಾರ್ವಜನಿಕ ವಲಯದಲ್ಲಿ ಚರ್ಚೆಗೀಡಾಗಿದೆ. ಏಕೆಂದರೆ ಸದರಿ ಪ್ರತೀಕ್ ಗೌಡ ಪ್ರಮುಖವಾಗಿ ಗುರುತಿಸಿಕೊಂಡಿದ್ದು ಎಬಿವಿಪಿಯಲ್ಲಿ. ಕಾಲೇಜು ವಿದ್ಯಾರ್ಥಿ, ವಿದ್ಯಾರ್ಥಿನಿಯರನ್ನು ತಮ್ಮ ಸಂಘಟನೆಗೆ ಸೇರಿಸಿಕೊಳ್ಳಲು ಎಲ್ಲ ರೀತಿಯಲ್ಲೂ ಪ್ರಯತ್ನಿಸಿರುವ ಎಬಿವಿಪಿ ಪ್ರಕರಣ ಹೊರ ಬರುತ್ತಲೇ ಆತನಿಗೂ ಸಂಘಟನೆಗೂ ಸಂಬಂಧವೇ ಇಲ್ಲ ಎಂಬ ಹೇಳಿಕೆ ನೀಡಿ ಜಾರಿಕೊಂಡರೆ ಇನ್ನೂ ಇದಕ್ಕಿಂತಲೂ ಮೇಲಿನ ಹಂತದ ಬಿಜೆಪಿ ಯುವಮೋರ್ಚಾ ಅಥವಾ ಬಿಜೆಪಿಯ ಧುರೀಣರಾಗಲಿ
ಘಟನೆ ಬೆಳಕಿಗೆ ಬಂದು ಎರಡು ದಿನವಾಗಿದ್ದರು ಬಹಿರಂಗವಾಗಿ ಖಂಡಿಸಿರಲಿಲ್ಲ.
ಕೊನೆಗೆ ಮಾಜಿ ಗೃಹಸಚಿವ ಹಾಗೂ ಶಾಸಕ ಆರಗ ಜ್ಞಾನೇಂದ್ರ “ಯಾವುದೋ ಒಂದು ಘಟನೆಯನ್ನು ಸಂಘಟನೆಯ ಹೆಸರಿಗೆ ತಳುಕು ಹಾಕಲು ಬರುವುದಿಲ್ಲ ಎಂದು ಹೇಳುತ್ತಲೇ ಆತನ ವಿರುದ್ಧ ಉಗ್ರ ಕ್ರಮ ಕೈಗೊಳ್ಳಬೇಕು” ಎಂದರು. ಉಗ್ರ ಕ್ರಮ ಕೈಗೊಳ್ಳಬೇಕೆಂಬ ಉದ್ದೇಶವಿದ್ದಿದ್ದರೆ ಎಬಿವಿಪಿ ಹೆಸರು ಬಂದ ಕಾರಣಕ್ಕಾಗಿ ಆ ಸಂಘಟನೆಯೇ ಈತನ ವಿರುದ್ಧ ದೂರು ನೀಡಬಹುದಿತ್ತಲ್ಲಾ ಎಂಬ ಚರ್ಚೆ ಈಗ ಸಾರ್ವಜನಿಕ ವಲಯದಲ್ಲಿ ನಡೆಯ ತೊಡಗಿದೆ.
ಇಲ್ಲಿ ಉಳಿದವರು ಜಾಣ್ಮೆಯಿಂದ ಕಾದು ನೋಡುವ ತಂತ್ರ ಅನುಸರಿಸಿ ಭಜರಂಗದಳದಲ್ಲಿ ಗುರುತಿಸಿಕೊಂಡಿರುವ ಗಣೇಶ್‌ ಪ್ರಸಾದ್‌ ಮತ್ತು ವಿಶ್ವ ಹಿಂದೂ ಪರಿಷತ್ತಿನಲ್ಲಿ ಗುರುತಿಸಿಕೊಂಡಿರುವ ವಿಶ್ವನಾಥರನ್ನು ದೂರು ನೀಡಲು ಬಳಸಿಕೊಳ್ಳಲಾಯಿತೇ…? ಮತ್ತು ಇದರ ಹಿಂದಿರುವ ಜಾಣ್ಮೆಯ ರಾಜಕೀಯ ಲೆಕ್ಕಚಾರ ಏನು ಎಂಬ ಕುರಿತು ಚರ್ಚೆಗಳು ಆರಂಭವಾಗಿದೆ.