ಬಡತನ ದುರ್ಬಲಗೊಳಿಸುವ ಕೀಳು ಮನಸ್ಥಿತಿಗೆ ಬೇಕಿದೆ ಸೌಜನ್ಯತೆ
ಹಸಿವಿನ ಅನಿಶ್ಚಿತ ಕುಟುಂಬಗಳ ಬಗ್ಗೆಯೂ ಬಿಜೆಪಿಗರು ಕಾಳಜಿ ತೋರಲಿ – ಮುಡುಬ ರಾಘವೇಂದ್ರ
ಬಿಜೆಪಿ ಜನಪರವಾದ ಕಾರ್ಯಕ್ರಮ ರೂಪಿಸಲು ಅಸಮರ್ಥವಾಗಿದೆ. ಕಾಂಗ್ರೆಸ್
ಸರ್ಕಾರದ ಗ್ಯಾರಂಟಿ
ಯೋಜನೆಯನ್ನು ಪುಗಸಟ್ಟೆ, ಬಿಟ್ಟಿ
ಎನ್ನುವುದರ ಮೂಲಕ ಬಡವರನ್ನು ದುರ್ಭಲಗೊಳಿಸುವ ಪ್ರಯತ್ನ ನಡೆಯುತ್ತಿದೆ. ಸರ್ಕಾರಕ್ಕೆ
ಎಲ್ಲಾ ವರ್ಗದ ಜನರು ತೆರೆಗೆ ಪಾವತಿಸುತ್ತಾರೆ. ಅದರಲ್ಲಿ ಕೆಳ, ಮಧ್ಯಮ, ಮೇಲ್ವರ್ಗ ಎಂದು ವಿಂಗಡಣೆ ಮಾಡಲು ಸಾಧ್ಯವಿಲ್ಲ. ಪ್ರತ್ಯಕ್ಷ ಮತ್ತು
ಪರೋಕ್ಷವಾಗಿ ಎಲ್ಲಾ ವರ್ಗವೂ
ಫಲಾನುಭವಿಯಾಗಿದೆ. ಹೆಚ್ಚು ಕಡಿಮೆ ಎಂಬುದನ್ನು ಬಿಟ್ಟರೆ ಆರ್ಥಿಕ ಮತ್ತು ಸಾಮಾಜಿಕ ಸಮಾನತೆ
ಒದಗಿಸಿದರೆ ಯಾರು ಮೇಲೂ
ಅಲ್ಲ ಕೀಳು ಅಲ್ಲ ಎಂಬುದನ್ನು ಟೀಕಿಸುವ ಬಿಜೆಪಿ ಮನಸ್ಥಿತಿಗಳು ಅರ್ಥ ಮಾಡಿಕೊಳ್ಳಬೇಕು ಎಂದು ಗ್ರಾಮಾಂತರ
ಬ್ಲಾಕ್‌ ಕಾಂಗ್ರೆಸ್ ಅಧ್ಯಕ್ಷ
ಮುಡುಬ ರಾಘವೇಂದ್ರ ಹೇಳಿದ್ದಾರೆ.
ಎಂದೂ ಹಸಿವಿನ ಅನಿಶ್ಚಿತತೆ ಇಲ್ಲದೆ ಹೊಟ್ಟೆ ತುಂಬ ಉಂಡು ಮಲಗುವ ಬಿಜೆಪಿ ಮನಸ್ಥಿತಿಯ ಜನರು ಮಾತ್ರ
ಗ್ಯಾರಂಟಿ ಯೋಜನೆಯನ್ನು ಬಿಟ್ಟಿ ಭಾಗ್ಯ ಎಂದು ಹಂಗಿಸುತ್ತಿದ್ದಾರೆ. ಒಂದು ಹೊತ್ತಿನ ಊಟಕ್ಕಾಗಿ ಅಂದೇ
ದುಡಿದು ತಿನ್ನುವ ಅದೆಷ್ಟೋ ಕುಟುಂಬಗಳು ನಮ್ಮೊಂದಿಗೆ ಇವೆ ಎಂಬುದರ ಬಗ್ಗೆ ನಿಮಗೆ ಸ್ವಲ್ಪ ಅರಿವು
ಇರಬೇಕಾಗುತ್ತದೆ. ದೇಶ ಬೆಳವಣಿಗೆಯಲ್ಲಿ ಬಹುಪಾಲು ಬಡವರ ಕೊಡುಗೆ ಮಾತ್ರ ಇದೆ ಎಂಬುದನ್ನು ನೀವು ಅಲ್ಲಗಳೆಯುವಂತಿಲ್ಲ.
ಮುಖ್ಯಮಂತ್ರಿ ಸಿದ್ದರಾಮಯ್ಯ ನೇತೃತ್ವದ ಸರಕಾರ ಜನಪರ
ಕಾರ್ಯಕ್ರಮಗಳನ್ನು ನೀಡುವುದನ್ನು
ಸಹಿಸದ ಹೀನ ಮನಸ್ಥಿತಿಗಳು ಅಪಪ್ರಚಾರದಲ್ಲಿ ತೊಡಗಿವೆ. ಸಂವಿಧಾನದ ಆಶಯದಂತೆ ಸಮಾಜದ ಕಟ್ಟ ಕಡೆಯ
ವ್ಯಕ್ತಿಯನ್ನು ಸದೃಢಗೊಳಿಸುವ ಪ್ರಾಮಾಣಿಕ ಪ್ರಯತ್ನ ನಡೆಯುತ್ತಿದೆ. ಟೀಕಿಸುವ ಮನಸ್ಸುಗಳು ಬದುಕು ಸಾಗಿಸಲು ಅದೇ
ದುಡಿದು ತಿನ್ನುವ ಅನಿಶ್ಚಿತ ಕುಟುಂಬಗಳ ಬಗ್ಗೆಯೂ ಸೌಜನ್ಯಯುತ ಹೇಳಿಕೆ ನೀಡಬೇಕು ಎಂದು
ಒತ್ತಾಯಿಸಿದ್ದಾರೆ.
ಕಾಂಗ್ರೆಸ್ ನುಡಿದಂತೆ ನಡೆಯುವ ಸರ್ಕಾರ.
ವಿಧಾನಸಭಾ ಚುನಾವಣೆಯಲ್ಲಿ ಘೋಷಿಸಿದ
5 ಯೋಜನೆಗಳನ್ನು ಪ್ರಾಮಾಣಿಕವಾಗಿ ಜಾರಿಗೊಳಿಸಿದೆ. ಭಾನುವಾರ ತೀರ್ಥಹಳ್ಳಿ ಮುಖ್ಯ ಬಸ್‌
ನಿಲ್ದಾಣದಲ್ಲಿ ಬೆಳಿಗ್ಗೆ 11.30ಕ್ಕೆ ಯೋಜನೆಗೆ ಚಾಲನೆ
ನೀಡಲಾಗುತ್ತಿದೆ. ಕ್ಷೇತ್ರದ ಎಲ್ಲಾ ಮಹಿಳೆಯರು,
ಕಾರ್ಯಕರ್ತರು, ಮುಖಂಡರು, ಅಭಿಮಾನಿಗಳು ಸಕಾಲದಲ್ಲಿ ಪಾಲ್ಗೊಳ್ಳಬೇಕು ಎಂದು ಮುಡುಬ ರಾಘವೇಂದ್ರ
ಕೋರಿದ್ದಾರೆ.