ತೀರ್ಥಹಳ್ಳಿಯ ಬಿಜೆಪಿ ಯುವ ಮುಖಂಡ ನೆಂಪೆ ಪ್ರಸನ್ನ (51) ಭಾನುವಾರ ರಾತ್ರಿ ಅಲ್ಪಕಾಲದ ಅನಾರೋಗ್ಯದಿಂದ ನಿಧನರಾದರು. ಮೃತರು ಯುವ ಚಟುವಟಿಕೆಗಳ ಮೂಲಕ ಸಾರ್ವಜನಿಕ ಕ್ಷೇತ್ರವನ್ನು ಪ್ರವೇಶಿಸಿದ್ದರು. ತಾಲ್ಲೂಕು ಯುವಜನ ಒಕ್ಕೂಟದ ನಿರ್ದೇಶಕರಾಗಿದ್ದರು. ರೈತಸಂಘ, ಯುವ ಜನತಾದಳದಲ್ಲೂ ಸಂಘಟನಾತ್ಮಕವಾಗಿ ಸಾಕಷ್ಟು ಕಾಲ ಕೆಲಸ ಮಾಡಿದ್ದರು. ಒಳ್ಳೆಯ ಮಾತುಗಾರನಾಗಿದ್ದ ಪ್ರಸನ್ನ ಸ್ನೇಹಜೀವಿಯಾಗಿದ್ದರು. ಮೃತರು ಪತ್ನಿ, ಒಂದು ಗಂಡು, ಒಂದು ಹೆಣ್ಣು ಮಕ್ಕಳನ್ನು ಅಗಲಿದ್ದಾರೆ. ಅಂತ್ರ್ಯಕ್ರಿಯೆ ಸೋಮವಾರ ಗ್ರಾಮದಲ್ಲಿ ನಡೆಯಿತು.
