ಮಲಾಪಹಾರಿ ನೀರು ಪೋಲು
ಆಗುಂಬೆ ಗ್ರಾಮದಲ್ಲಿ ಕುಡಿಯುವ ನೀರು ರಸ್ತೆ ಪಾಲು
ದಕ್ಷಿಣದ ಚಿರಾಪುಂಜಿ ಆಗುಂಬೆ ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಕಳೆದ ಒಂದು ವರ್ಷದಿಂದ ಕುಡಿಯುವ
ನೀರು ರಸ್ತೆ ಪಾಲಾಗುತ್ತಿದೆ. ಅತೀ ಹೆಚ್ಚು ಮಳೆ ಸುರಿಯುವ ಪ್ರದೇಶವಾಗಿದ್ದರು ಹಲವು ಮಜಿರೆ ಗ್ರಾಮದಲ್ಲಿ
ಕುಡಿಯುವ ನೀರಿಗೆ ತೀವ್ರ ಕುಡಿಯುವ ನೀರಿಗೆ ಸಮಸ್ಯೆ ಎದುರಾಗಿದೆ. ಇಂತಹ ಅನಾವೃಷ್ಟಿ ಕಾಲದಲ್ಲೂ ಗ್ರಾಮ,
ತಾಲ್ಲೂಕು ಆಡಳಿತ ತಲೆಕೆಡಿಸಿಕೊಂಡಂತೆ ಕಾಣಿಸುತ್ತಿಲ್ಲ.
ಗ್ರಾಮಸ್ಥರು ಹಲವು ತಿಂಗಳಿನಿಂದ ದೂರು ಸಲ್ಲಿಸುತ್ತಿದ್ದರು ಇಲ್ಲಿಯವರೆಗೆ ಆಡಳಿತ ಸ್ಪಂದಿಸುತ್ತಿಲ್ಲ.
ಆಗುಂಬೆಯ ರಸ್ತೆಯ ಮಧ್ಯೆಯೇ ಪೈಪ್‌ ಒಡೆದು ನೀರು ಅನಾವಶ್ಯಕ ಪೋಲಾಗುತ್ತಿದೆ. ವಿಶೇಷವೆಂದರೆ ಆಗುಂಬೆ,
ಶೃಂಗೇರಿ, ಉಡುಪಿ ಮಾರ್ಗ ಸಂಪರ್ಕಿಸುವ ಕೂಡ ರಸ್ತೆ ಹಾಗೂ ಆಗುಂಬೆ ಗ್ರಾಮ ಪಂಚಾಯಿತಿ ಮುಂಭಾಗದಲ್ಲೇ
ರಸ್ತೆಯ ಮಧ್ಯೆ ನೀರು ನಿಲ್ಲುತ್ತಿದೆ. ಸುಗಮ ಸಂಚಾರಕ್ಕೂ ಇದು ತೊಂದರೆ ನೀಡುತ್ತಿದ್ದು ಆಡಳಿತ ಮಾತ್ರ
ತಲೆ ಕೆಡಿಸಿಕೊಳ್ಳುತ್ತಿಲ್ಲ ಎಂದು ಸಾರ್ವಜನಿಕರು ದೂರುತ್ತಿದ್ದಾರೆ.
ರಸ್ತೆಯ ನಡುವೆ ಆಗಿದ್ದರಿಂದ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ ಅನುಮತಿ ಕೂಡ ಬೇಕಾಗಿದ್ದು ಆಡಳಿತ ಯಂತ್ರ ಮಾತ್ರ ತಟಸ್ಥ ನಿಲುವು ಹೊಂದಿದಂತಿದೆ. ಆಗುಂಬೆ ಸುತ್ತಮುತ್ತಲು ಅತೀ ಹೆಚ್ಚು ಮಳೆಯಾಗುತ್ತಿದ್ದರು ಅಂತರ್ಜಲ ಪ್ರಮಾಣ ವೃದ್ಧಿಯಾಗುತ್ತಿಲ್ಲ. ಇದರಿಂದಾಗಿ ಗ್ರಾಮದಲ್ಲಿ ನೀರಿಗೆ ಆಹಾಕಾರ ಎದುರಾಗಿದೆ. ಆಗುಂಬೆ ಪರಿಸರ ಅತ್ಯಂತ ಸೂಕ್ಷ ವಲಯವಾಗಿದ್ದರು ಪ್ರಕೃತಿ ಸಂರಕ್ಷಣೆಗೆ ಹೆಚ್ಚಿನ ಆದ್ಯತೆ ನೀಡಿದಂತೆ ಕಾಣಿಸುತ್ತಿಲ್ಲ. ಗುಡ್ಡ ಜರಿತ, ಕಾಡುನಾಶ, ಅಭಿವೃದ್ಧಿ ಕಾಮಗಾರಿಗಳಿಂದ ಪರಿಸರಕ್ಕೆ ಹಾನಿ ಮುಂತಾದ ಸಮಸ್ಯೆಗಳಿದ್ದರು ಕ್ರಮ ವಹಿಸದಿರುವುದು ಹಲವು ಅನುಮಾನಕ್ಕೆ ಕಾರಣವಾದಂತಿದೆ.