ಆರಗ ₹ 6.13 ಕೋಟಿ ಸಿರಿವಂತ - ಆಸ್ತಿ ಮೂರುಪಟ್ಟು ಹೆಚ್ಚಳ
ಕಿಮ್ಮನೆ ₹ 3.27 ಕೋಟಿ ಸಾಲಗಾರ - ಪತ್ನಿ ಸಿರಿವಂತೆ
ಬಿಕಾಂ ಪದವಿದರರಾದ ಗೃಹಸಚಿವ ಆರಗ ಜ್ಞಾನೇಂದ್ರ ಅಪಾರ ಬೆಂಬಲಿಗರೊಂದಿಗೆ ಮಂಗಳವಾರ ಕ್ಷೇತ್ರ ಚುನಾವಣಾಧಿಕಾರಿಗೆ
ಬಿಜೆಪಿ ಪಕ್ಷದಿಂದ ಉಮೇದುವಾರಿಕೆ ಸಲ್ಲಿಸಿದ್ದು ನಾಮಪತ್ರದಲ್ಲಿ ಸಲ್ಲಿಸಿದ ಆದಾಯ ಪ್ರಮಾಣ ಪತ್ರದಲ್ಲಿ
ತಾವು ₹
6,13,56,692
ಸಿರಿವಂತನಾಗಿದ್ದಾರೆ. ಪತ್ನಿಯ ಬಳಿ ₹ 15,01,847 ಚರಾಸ್ತಿ ಇದೆ.
ತಮ್ಮ ಬಳಿ ₹1.50 ಲಕ್ಷ ನಗದು, ₹ 58.76 ಲಕ್ಷ ಮೌಲ್ಯದ ವಿವಿಧ ಬ್ಯಾಂಕ್, ಹಣಕಾಸು ಕಂಪನಿ, ಸಹಕಾರ ಸಂಘದ ಠೇವಣಿ, ಷೇರು, ಹೂಡಿಕೆ,
ವಿಮೆ ಹೊಂದಿದ್ದಾರೆ. ₹ 8 ಲಕ್ಷ ಮೌಲ್ಯದ ಮಾರುತಿ ಎರ್ಟಿಗ, ₹80 ಸಾವಿರ ಮೌಲ್ಯದ ಓಮಿನಿ, ₹28 ಲಕ್ಷ ಮೌಲ್ಯದ ಇನೋವಾ ಕ್ರಿಸ್ಟಾ
ಕಾರು ಇದೆ. ಪತ್ನಿಯ ಬಳಿ ₹ 50 ಸಾವಿರ ನಗದು, ₹1,847 ಬ್ಯಾಂಕ್ ಖಾತೆಯಲ್ಲಿ
ಉಳಿತಾಯ, ₹ 13.35 ಲಕ್ಷ ಮೌಲ್ಯದ 250 ಗ್ರಾಂ ಬಂಗಾರ, ₹75 ಸಾವಿರ ಮೌಲ್ಯದ 1 ಕೆ.ಜಿ. ಬೆಳ್ಳಿ ಇದೆ ಎಂದು ತಿಳಿಸಿದ್ದಾರೆ.
ಒಟ್ಟು ₹86,50 ಲಕ್ಷ ಮೌಲ್ಯದ ಜಂಬೇತಲ್ಲೂರು ಗ್ರಾಮದಲ್ಲಿ 20 ಎಕರೆ 12 ಗುಂಟೆ ಪೈಕಿ 7 ಎಕರೆ 25 ಗುಂಟೆ ಖುಷ್ಕಿ,
4 ಎಕರೆ 27 ಗುಂಟೆ ಬಾಗಾಯ್ತು, 5 ಎಕರೆ ರಬ್ಬರ್‌, 3 ಎಕರೆ ತಾಳೆ ಇದೆ. ಅಗಳಬಾಗಿಲು ಗ್ರಾಮದಲ್ಲಿ
32 ಗುಂಟೆ ತರಿ ಜಮೀನು ಇದೆ. ಬೆಂಗಳೂರಿನ ಆರ್‌ಎಂವಿ 2ನೇ ಹಂತ, ಭೂಪಸಂದ್ರದಲ್ಲಿ 4000 ಚದರಡಿಯ
(50x80) ₹ 4 ಕೋಟಿ ಮೌಲ್ಯದ ನಿವೇಶನ.
ಗುಡ್ಡೇಕೊಪ್ಪದಲ್ಲಿ 1628 ಚದರಡಿಯ ₹ 30 ಲಕ್ಷ ಮೌಲ್ಯದ ಹೆಂಚಿನ ವಾಸದ ಮನೆ ಹೊಂದಿದ್ದೇನೆ ಎಂದು ಘೋಷಿಸಿಕೊಂಡಿದ್ದಾರೆ.
ಬೆಂಗಳೂರಿನ ಜಯಮಹಲ್‌ ಎಕ್ಸ್‌ಟೆನ್ಷನ್‌ ಸರ್ಕಾರಿ ವಸತಿ ಗೃಹ ಬಳಸಿಕೊಂಡಿದ್ದು ಕಟ್ಟಡಕ್ಕೆ ಸಂಬಂಧಿಸಿದ
ಯಾವುದೂ ಬಾಕಿ ಹೊಂದಿಲ್ಲ. 2017-18ರಲ್ಲಿ ₹11.77 ಲಕ್ಷ, 2018-19ರಲ್ಲಿ ₹9.82 ಲಕ್ಷ, 2019-20ರಲ್ಲಿ ₹10.34 ಲಕ್ಷ, 2020-21ರಲ್ಲಿ ₹23.30 ಲಕ್ಷ, 2021-22ರಲ್ಲಿ ₹35.75 ಲಕ್ಷ ರೂಪಾಯಿ ಕೃಷಿ ಹಾಗೂ ಇತರೆ ಮೂಲಗಳಿಂದ ಆದಾಯ ತೋರಿಸಿದ್ದು ಒಟ್ಟು
₹97,06,692
ಚರಾಸ್ತಿ,
₹
5,16,50,000 ಸ್ಥಿರಾಸ್ತಿ ಇದೆ. ಸಹಕಾರ ಸಂಘ, ಬ್ಯಾಂಕ್‌‌ನಲ್ಲಿ ₹ 6 ಲಕ್ಷ ಸಾಲ ಇದೆ ಎಂದು ನಾಮಪತ್ರದಲ್ಲಿ ಹೇಳಿಕೊಂಡಿದ್ದಾರೆ.
2018ರಲ್ಲಿ ಆರಗ ಜ್ಞಾನೇಂದ್ರರ ಒಟ್ಟು ₹ 2.14 ಕೋಟಿ ಆದಾಯ ಘೋಷಿಸಿಕೊಂಡಿದ್ದರು. ಸಾಲ ₹10.51 ಲಕ್ಷ ಹೊಂದಿದ್ದರು. ತಮ್ಮ ಬಳಿ ₹24.59 ಲಕ್ಷ ಚರಾಸ್ತಿ, ₹ 1.91 ಕೋಟಿ ಸ್ಥಿರಾಸ್ತಿ ಇದ್ದರೆ ಪತ್ನಿಯ ಬಳಿ ₹6.89 ಲಕ್ಷ ಚರಾಸ್ತಿ ಇದೆ ಘೋಷಿಸಿಕೊಂಡಿದ್ದಾರೆ.
ಕಿಮ್ಮನೆ ರತ್ನಾಕರ್ ಘೋಷಿತ ಆಸ್ತಿ ವಿವರ
ಎಲ್‌ಎಲ್‌ಬಿ ಪದವಿದರರಾದ ಮಾಜಿ ಶಿಕ್ಷಣ ಸಚಿವ ಕಿಮ್ಮನೆ ರತ್ನಾಕರ್ ಮಂಗಳವಾರ ಕ್ಷೇತ್ರ ಚುನಾವಣಾಧಿಕಾರಿಗೆ
ಕಾಂಗ್ರೆಸ್ ಪಕ್ಷದಿಂದ ಉಮೇದುವಾರಿಕೆ ಸಲ್ಲಿಸಿದ್ದು ನಾಮಪತ್ರದಲ್ಲಿ ವಿವಿಧ ಬ್ಯಾಂಕ್, ಹಣಕಾಸು ಸಂಸ್ಥೆಯಲ್ಲಿ
ತಮಗೆ
₹3.27 ಕೋಟಿ ಸಾಲ ಇದೆ ಎಂದು ಘೋಷಿಸಿಕೊಂಡಿದ್ದಾರೆ.
ತಮ್ಮ ಬಳಿ ₹46 ಲಕ್ಷ ಚರಾಸ್ತಿ, ₹ 1.01 ಕೋಟಿ ಸ್ಥಿರಾಸ್ತಿ ಇದ್ದರೆ ಪತ್ನಿಯ ಬಳಿ ₹29 ಲಕ್ಷ ಚರಾಸ್ತಿ, ₹ 3.32 ಕೋಟಿ ಸ್ಥಿರಾಸ್ತಿ ಇದೆ. ಪತ್ನಿಯ
ವೈದ್ಯಕೀಯ ಸಾಲ ₹44 ಲಕ್ಷ ಇದೆ ಎಂದು ತಿಳಿಸಿದ್ದಾರೆ.
ತಮ್ಮ ಕೈನಲ್ಲಿ ₹ 1 ಲಕ್ಷ ನಗದು, ₹18.15 ಲಕ್ಷ ಮೌಲ್ಯದ ವಿವಿಧ ಬ್ಯಾಂಕ್ ಉಳಿತಾಯ, ಸಹಕಾರ ಸಂಘಗಳ ಠೇವಣಿ, ವಿಮೆ, ಹೂಡಿಕೆ, ಷೇರುಗಳು
ಇದೆ. ₹
27 ಲಕ್ಷ
ಮೌಲ್ಯದ ಇನೋವಾ ಕಾರು, ₹ 7 ಲಕ್ಷ ಮೌಲ್ಯದ 10 ಕೆಜಿ ಬೆಳ್ಳಿ ಪೂಜಾ ಸಾಮಾಗ್ರಿ, ₹9 ಲಕ್ಷ ಮೌಲ್ಯದ 150 ಗ್ರಾಂ
ಚಿನ್ನ ಇದೆ. ಪತ್ನಿಯ ಬಳಿ ₹ 50 ಸಾವಿರ ನಗದು, ₹ 4.47 ಲಕ್ಷ ವಿವಿಧ ಬ್ಯಾಂಕ್ ಉಳಿತಾಯ, ಷೇರು, ವಿಮೆ ಇದೆ. ₹ 24 ಲಕ್ಷದ 400 ಗ್ರಾಂ ಬಂಗಾರ,
₹ 2 ಲಕ್ಷ ಮೌಲ್ಯದ ಗೃಹಪಯೋಗಿ
ಸಾಮಾಗ್ರಿ ಹೊಂದಿದ್ದಾರೆ.
ತಮ್ಮ ಬಳಿ ₹ 80 ಲಕ್ಷ ಮೌಲ್ಯದ ಕಿಮ್ಮನೆ ಗ್ರಾಮದಲ್ಲಿ 3 ಎಕರೆ 4 ಗುಂಟೆ ಭಾಗಾಯ್ತು, 5 ಎಕರೆ 24 ಗುಂಟೆ ಜಮೀನು
ಇದೆ. ಪತ್ನಿ ಬಳಿ ಶಿವಮೊಗ್ಗದ ಪ್ರಿಯದರ್ಶಿನಿ ಲೇಔಟ್‌ನಲ್ಲಿ 1800 ಚದರಡಿಯ ₹ 10 ಲಕ್ಷ ಮೌಲ್ಯದ ನಿವೇಶನ,
ತೀರ್ಥಹಳ್ಳಿಯ ಸೊಪ್ಪುಗುಡ್ಡೆಯಲ್ಲಿ 6800 ಚದರಡಿಯ ₹2.10 ಕೋಟಿ ಮನೆ ಹೊಂದಿದ್ದಾರೆ.
2018-19ರಲ್ಲಿ ₹12.22 ಲಕ್ಷ, 2019-20ರಲ್ಲಿ ₹6.81 ಲಕ್ಷ, 2020-21ರಲ್ಲಿ ₹5.59 ಲಕ್ಷ, 2021-22ರಲ್ಲಿ ₹6.60 ಲಕ್ಷ, 2022-23ರಲ್ಲಿ ₹6.70 ಲಕ್ಷ ವಿವಿಧ ಮೂಲಗಳಿಂದ ಆದಾಯ ಹೊಂದಿದ್ದಾರೆ. ಹೈಕೋರ್ಟ್‌ ಹಾಗೂ ಬೆಂಗಳೂರು ಸಿಎಂಎಂ ನ್ಯಾಯಾಲಯದಲ್ಲಿ ಎರಡು ಮಾನನಷ್ಟ ಪ್ರಕರಣಗಳು ಬಾಕಿ ಇದೆ ಎಂದು ಪ್ರಮಾಣ ಪತ್ರದಲ್ಲಿ ತಿಳಿಸಿದ್ದಾರೆ.