ನೀತಿ ಸಂಹಿತೆಯಿಂದ ಕೈಸೇರದ 1,150 ಮನೆ
ಬಿಜೆಪಿ ಆಡಳಿತದಲ್ಲಿ ಎಷ್ಟು ಮನೆ ಮಂಜೂರಾಗಿದೆ
– ಲೆಕ್ಕ ಕೊಡಿ
ಹಂಗಾಮಿ ಗೃಹಮಂತ್ರಿಗಳಿಗೆ ಐವೈಸಿ ವಕ್ತಾರ ಆದರ್ಶ
ಹುಂಚದಕಟ್ಟೆ ಆಗ್ರಹ
ನನಗೀಗ ವಿಶೇಷ ಪ್ರಯತ್ನ, ಕಾಳಜಿ ಅಂತಾ ಯಾರಾದರು ಬರೆದರೆ ಅದರ ಬಗ್ಗೆ ವಿಚಾರಿಸಬೇಕೆನಿಸುತ್ತದೆ.
ಏಕೆಂದರೆ ತುಂಗಾ ನದಿಯಲ್ಲಿ ನೀರು ಹರಿಯುವುದು ಸಹ ಶಾಸಕರ ವಿಶೇಷ ಪ್ರಯತ್ನ ಎಂಬಂತಾಗಿದೆ. ಬಿಜೆಪಿಯ ಪತ್ರಿಕಾ ಹೇಳಿಕೆಗಳು ಇಂತಹದ್ದೇ ಪ್ರಶ್ನೆಗಳನ್ನು ಕೇಳಬೇಕು ಎಂಬ ಮನೋಭಾವ ಸೃಷ್ಟಿಸುತ್ತದೆ.
ಇದಕ್ಕೊಂದು ಅತ್ಯುತ್ತಮ ಉದಾಹರಣೆ ಎಂದರೆ
ಗೃಹ ಮಂತ್ರಿಗಳ ವಿಶೇಷ ಪ್ರಯತ್ನದಿಂದ ಬಂದಿದೆ ಎನ್ನಲಾದ ಸುಮಾರು
1150 ಮನೆ ಸಚಿವರ ಬೇಜವಾಬ್ದಾರಿಯಿಂದ ವಾಪಾಸ್ಸು ಹೋಗುವಂತಾಗಿದೆ. ಆದರೂ ಕೂಡ ಶಿವಮೊಗ್ಗ
ಜಿಲ್ಲೆಗೆ ಪಾಪಾ ನಮ್ಮ ಶಾಸಕರು ಮಾತ್ರ ಹೋರಾಟ ಮಾಡಿ 1150 ಮನೆ ತಂದಿದ್ದಾರೆ ಎನ್ನುವಂತೆ ವಿಶೇಷ ಪ್ರಯತ್ನ ಎನ್ನಲಾಗುತ್ತಿರುವುದು ವಿಪರ್ಯಾಸ ಎಂದು ಆದರ್ಶ ಹುಂಚದಕಟ್ಟೆ ಬೇಸರ ವ್ಯಕ್ತಪಡಿಸಿದ್ದಾರೆ.
ನಿನ್ನೆ ಮಾಹಿತಿ ತೆಗಸಿದರೆ ಇವರಿಗೆ ಯಾವ
ಆಸಕ್ತಿಯೂ ಇಲ್ಲದೆ ಕೊನೆಯ ಕ್ಷಣಕ್ಕೆ ಕೇವಲ ಪತ್ರಿಕಾ ಹೇಳಿಕೆಗಾಗಿ ಬಂದ ಮನೆಗಳಾಗಿದ್ದಾವೆ ಎಂಬುದು ಇದೀಗ ಜಗಜ್ಜಾಹೀರಾಗಿದೆ. ವಿರೋಧ ಪಕ್ಷದಲ್ಲಿದ್ದರು ಭದ್ರಾವತಿಯ ಶಾಸಕ ಸಂಗಮೇಶ್ 3000 ಮನೆಗಳಿಗೆ ಮೂರು ತಿಂಗಳ ಹಿಂದೆಯೆ ಒಪ್ಪಿಗೆ ಪಡೆದು ಅನುಷ್ಟಾನಕ್ಕೆ ಮುಂದಾಗಿದ್ದಾರೆ. ಸಾಗರ, ಸೊರಬದಲ್ಲೂ 3000 ಮನೆಗಳು ತಿಂಗಳ ಹಿಂದೆಯ ಬಂದು ಒಪ್ಪಿಗೆ ಪಡೆದಿದ್ದಾರೆ. ಇನ್ನೂ ಹೊಸನಗರ (ಸಾಗರ
ವಿಧಾನಸಭಾ) ತಾಲ್ಲೂಕಿಗೂ ಬಂದ 500 ಮನೆಗಳು ಒಂದು ಮಟ್ಟಕ್ಕೆ ಒಪ್ಪಿಗೆ ಪಡೆಯಲು ಸಾಧ್ಯವಾಗಿದೆ.ಸಾಂಧರ್ಬಿಕ ಚಿತ್ರ
ಆದರೆ ತೀರ್ಥಹಳ್ಳಿಯಲ್ಲಿ ನೀತಿ ಸಂಹಿತೆ
ಬರುವ ವೇಳೆಗೆ ಅಂದ್ರೆ ದಿಡ್ಡಿ ಬಾಗಿಲು ಮುಚ್ಚುವ ವೇಳೆಗೆ ನಾಮಕಾವಾಸ್ತೆ ಮನವಿ ಮಾಡಿ, ಪತ್ರಿಕೆಗಳ ಹೇಳಿಕೆಗೆ ಸೀಮಿತವಾಗಿಸಿದ್ದಾರೆ. ಶಾಸಕರ
ಬೇಜಾವಾಬ್ದಾರಿಯಿಂದ 1150 ಮನೆಗಳಿಗೆ ಅನುಮತಿ ನೀಡದೆ ವಾಪಾಸ್ಸಾಗಿದೆ. ನಿಗಮಕ್ಕೆ ಫಲಾನುಭವಿ ಪಟ್ಟಿ
ಸಲ್ಲಿಸುವುದರೊಳಗೆ ನೀತಿ ಸಂಹಿತೆ ಜಾರಿಯಾಗಿ 1150 ಮನೆಗಳು ನಿಗಮದ ತೆಕ್ಕೆಗೆ ಜಾರಿದೆ. ಇನ್ನು ಹೊಸ ಸರ್ಕಾರ ಬಂದ ಮೇಲೆ ಮನೆಗಳ ಕತೆ ಮುಂದುವರೆಯಲಿದೆ.
ಅಲ್ಲಿಯ ವರೆಗೆ ಬಡವರು, ಮದ್ಯಮ ವರ್ಗದರವ ಸೂರು ಕಟ್ಟಿಕೊಳ್ಳುವ
ಕನಸು ಕಮರುವಂತಾಗಿದೆ.
ಐದು ವರ್ಷದಿಂದ ಮನೆಗಳನ್ನೇ ಕೊಡದೆ ಬಡವರ ಮನೆಯ ಕನಸಿಗೆ ಕೊಳ್ಳಿ ಇಟ್ಟಿದ್ದ
ಬಿಜೆಪಿ ಸರ್ಕಾರ ಈಗ ಗೃಹ ಸಚಿವರ ಬೇಜವಬ್ದಾರಿಯಿಂದ ಸಾವಿರಾರು ಬಡವರಿಗೆ ಸಿಗಬಹುದಾಗಿದ್ದ ಮನೆಯ
ಅನುದಾನವನ್ನು ಪಡೆಯುವಲ್ಲಿ ವಿಫಲರಾಗಿದ್ದಾರೆ. ಶಾಸಕರ ಐದು ವರ್ಷದ ಅವಧಿಯಲ್ಲಿ ಎಷ್ಟು
ಮನೆಗಳನ್ನು ಕೊಟ್ಟರು ಎಂಬುದು ಇವರು ಬಹಿರಂಗಪಡಿಸಲಿ.