ಲೋಕಲ್‌ನಲ್ಲಿ ಫುಲ್‌ ರೂಮರ್!
ಹಾರೋಗೊಳಿಗೆ ಸಂಘದಲ್ಲಿ ಲೈಂಗಿಕ
ಪ್ರಕರಣ
ನೌಕರರನ ವಿರುದ್ಧ ಜನ ಗರಂ
ಗ್ರಾಮೀಣಾಭಿವೃದ್ಧಿ ಹೆಸರಿನಲ್ಲಿ
ನಡೆಯುತ್ತಿರುವ ಸಾಲ - ಬಡ್ಡಿ ಸಹಕಾರ ಸಂಘದ ಕಚೇರಿಯೊಂದರಲ್ಲಿ ನಡೆದಿದೆ ಎನ್ನಲಾದ ಲೈಂಗಿಕ ಹಗರಣವೊಂದು
ತೀರ್ಥಹಳ್ಳಿಯಲ್ಲಿ ಭಾರಿ ಚರ್ಚೆಗೆ ಗ್ರಾಸವಾಗಿದೆ.
ಇಲ್ಲಿನ ಹಾರೋಗೊಳಿಗೆಯ ಸಂಘದ ಸಾಲ
ವಸೂಲಾತಿ ಕೇಂದ್ರದಲ್ಲಿ ಸುಮಾರು ಹತ್ತು ದಿನಗಳ ಹಿಂದೆ ರಾತ್ರಿ ಸಮಯದಲ್ಲಿ ಈ ಘಟನೆ ನಡೆದಿದೆ ಎನ್ನಲಾಗುತ್ತಿದೆ.
ಸಂಘದ ಪರವಾಗಿ ಈ ಭಾಗದಲ್ಲಿ ಜನರಿಂದ
ಸಾಲ ವಸೂಲಾತಿ ನಡೆಸುತ್ತಿರುವ ವ್ಯಕ್ತಿಯೊಬ್ಬ, ಅದೇ ಸಂಘದ ಇನ್ನೊಬ್ಬ ಮಹಿಳೆಯ ಜೊತೆ ಅಪವೇಳೆಯಲ್ಲಿ
ಅನೈತಿಕ ಚಟುವಟಿಕೆಯಲ್ಲಿ ಪಾಲ್ಗೊಂಡಿದ್ದ ಎನ್ನಲಾಗುತ್ತಿದೆ. ಇದನ್ನು ಗಮನಿಸಿದ ಸ್ಥಳೀಯ ಯುವಕರು ಸಂಘದ
ಕಚೇರಿಗೆ ಮುತ್ತಿಗೆ ಹಾಕಿ, ಇಬ್ಬರು ನೌಕರರ ಖಾಸಗಿ ಸನ್ನಿವೇಶಗಳನ್ನು ಚಿತ್ರೀಕರಿಸಿಕೊಂಡಿದ್ದಾರೆ,
ಹಾಗೂ ವ್ಯಕ್ತಿಗೆ ಸ್ಥಳದಲ್ಲಿಯೇ ಬುದ್ದಿವಾದ ಹೇಳಿ ಕಳುಹಿಸಿದ್ದಾರೆ ಎನ್ನಲಾಗುತ್ತಿದೆ.
ಈವರೆಗೆ ಲಭ್ಯವಾಗಿರುವ ಮಾಹಿತಿ
ಪ್ರಕಾರ, ಹಾರೋಗೊಳಿಗೆ ಗ್ರಾಮ ಪಂಚಾಯ್ತಿ ವ್ಯಾಪ್ತಿಯಲ್ಲಿರುವ ಸಂಘದ ಬಡ್ಡಿ ವಸೂಲಾತಿ ಕೇಂದ್ರದಲ್ಲಿ
ನಡೆದಿದೆ ಎನ್ನಲಾದ ಈ ಪ್ರಕರಣ ಸ್ಥಳೀಯ ಮಟ್ಟದಲ್ಲಿ ಗಾಳಿ ಸುದ್ದಿಗೆ ಕಾರಣವಾಗಿದೆ. ಸಂಘದ ನಿರ್ಹವಣೆಯ
ಹೊಣೆಯನ್ನು ಹೊತ್ತಿರುವ ವ್ಯಕ್ತಿಯಿಂದ ನಡೆದಿದೆ ಎನ್ನಲಾದ ಲೈಂಗಿಕ ದೌರ್ಜನ್ಯದ ಕುರಿತು ಈವರೆಗೆ ಯಾವುದೂ
ದೂರು ದಾಖಲಾಗಿಲ್ಲ. ಈ ಹಿನ್ನೆಲೆಯಲ್ಲಿ ಇದು ಸಮ್ಮತಿಯಿಂದ ನಡೆದ ಕ್ರಿಯೆ ಇರಬಹುದು ಎಂಬುದು ಸ್ಥಳೀಯರ
ಅನುಮಾನ. ಅದೇನೇ ಇದ್ದರೂ, ಜನರಲ್ಲಿ ಪವಿತ್ರ ಭಾವನೆ ಹೊಂದಿರುವ ಸಂಘದ ಕಚೇರಿಯನ್ನು ಇಂತಹ ಕೃತ್ಯಗಳಿಗೆ
ಬಳಸಿಕೊಂಡಿರುವ ಬಗ್ಗೆ ಭಾರಿ ಅಸಮಾಧಾನ ಎದ್ದಿದೆ.
ಸಾಮಾನ್ಯವಾಗಿ, ವೃತ್ತಿಪರ ಸ್ಥಳಗಳಲ್ಲಿ
ಮಹಿಳೆಯರ ಮೇಲೆ ನಡೆಯುವ ಲೈಂಗಿಕ ದೌರ್ಜನ್ಯಗಳ ತಡೆಗಾಗಿಯೇ ಕಾನೂನು ಜಾರಿಯಲ್ಲಿದೆ. ಒಂದು ವೇಳೆ, ಯಾವುದೇ
ಮೇಲಾಧಿಕಾರಿ ತನ್ನ ಜತೆಗೆ ಕೆಲಸ ಮಾಡುವ ಮಹಿಳೆಯರಿಗೆ ಲೈಂಗಿಕ ಕಿರುಕುಳವನ್ನು ಮಾತಿನ ರೂಪದಲ್ಲಾಗಲೀ,
ಸನ್ನೆಯ ರೂಪದಲ್ಲಾಗಲೀ, ಅಥವಾ ಇನ್ಯಾವುದೇ ಮಾದರಿಯಲ್ಲಿ ನೀಡಿದರೂ ಶಿಕ್ಷೆಗೆ ಅರ್ಹನಾಗುತ್ತಾನೆ. 6
ತಿಂಗಳವರೆಗೆ ಜೈಲು ಶಿಕ್ಷೆ, 50 ಸಾವಿರದವರೆಗೆ ದಂಡ ವಿಧಿಸುವ ಅವಕಾಶವನ್ನು ಕಾನೂನು ನೀಡುತ್ತದೆ.
ಆದರೆ, ಈ ಪ್ರಕರಣದಲ್ಲಿ ಮಹಿಳೆಯ
ಕಡೆಯಿಂದ ಯಾವುದೇ ದೂರು ದಾಖಲಾದ ಬಗ್ಗೆ ಮಾಹಿತಿ ಇಲ್ಲ. ಹೀಗಾಗಿ ಕೃತ್ಯದಲ್ಲಿ ತೊಡಗಿಕೊಂಡಿದ್ದ ಪುರುಷ
ಹಾಗೂ ಮಹಿಳೆಯ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸುತ್ತಿದ್ದಾರೆ. ಈ ಬಗ್ಗೆ ಸಂಘದ ಮೇಲಾಧಿಕಾರಿಗಳು ಸೂಕ್ತ
ತನಿಖೆ ನಡೆಸಿ, ಪಾವಿತ್ರ್ಯವನ್ನು ಕಾಪಾಡಬೇಕು ಎಂದು ಆಗ್ರಹಿಸಿದ್ದಾರೆ.