ಎಲ್‌ಐಸಿ ಪ್ರತಿನಿಧಿಗಳ ಸಂಘದ ಅಧ್ಯಕ್ಷರಾಗಿ ಕೊರಕೋಟೆ ಶ್ರೀನಿವಾಸ

ಪ್ರಧಾನ ಕಾರ್ಯದರ್ಶಿಯಾಗಿ ಚಂದ್ರಶೇಖರ ಕುಳಗೇರಿ

ಕೊರಕೋಟೆ ಶ್ರೀನಿವಾಸ

ಭಾರತೀಯ ಜೀವ ವಿಮಾ ನಿಗಮದ ಪ್ರತಿನಿಧಿಗಳ ಸಂಘದ ನೂತನ ಅಧ್ಯಕ್ಷರಾಗಿ ಕಾಂಗ್ರೆಸ್‌ ಒಬ್ಬರಾದ ಕೊರಕೋಟೆ ಶ್ರೀನಿವಾಸ್ ಆಯ್ಕೆ ಆಗಿದ್ದಾರೆ.

ಇತ್ತೀಚಿಗೆ ಗಾಯಿತ್ರಿ ಮಂದಿರದಲ್ಲಿ ಸುಬ್ರಮಣ್ಯ ಅಧ್ಯಕ್ಷತೆಯಲ್ಲಿ ನಡೆದ ಪ್ರತಿನಿಧಿಗಳ ಸಭೆಯಲ್ಲಿ ಶ್ರೀನಿವಾಸ್ ಅವಿರೋಧವಾಗಿ ಆಯ್ಕೆ ಮಾಡಲಾಯಿತು. ಪ್ರಧಾನ ಕಾರ್ಯದರ್ಶಿಯಾಗಿ ಚಂದ್ರಶೇಖರ ಕುಳಗೇರಿ ಆಯ್ಕೆಯಾದರು. ಕೊರಕೋಟೆ ಶ್ರೀನಿವಾಸ ತೀರ್ಥಹಳ್ಳಿ ತಾಲೂಕಿನಲ್ಲಿ ಯುವ ಚಟುವಟಿಕೆಗಳ ಮೂಲಕ ಅಪಾರ ಹೆಸರು ಮಾಡಿದವರು.

ತಾಲೂಕು ಯುವಜನ ಒಕ್ಕೂಟದ ಕಾರ್ಯದರ್ಶಿ ಹಾಗೂ ಅಧ್ಯಕ್ಷರಾಗಿ ಹೊಸ ಸ್ವರೂಪ ನೀಡಿ ಗ್ರಾಮೀಣ ಕಲಾವಿದರು ರಾಜ್ಯ ಮಟ್ಟದ ಸ್ಪರ್ಧೆಗಳಲ್ಲಿ ಹೆಸರು ಮಾಡಲು ಅವಕಾಶ ಕಲ್ಪಿಸಿದವರು. ಶಿವಮೊಗ್ಗ ಜಿಲ್ಲೆಯ ಬೇರೆ ತಾಲೂಕು ಗಳಲ್ಲಿ ಯುವ ಜನ ಮೇಳಗಳು ನೀರಸವಾಗಿ ನಡೆಯುತ್ತಿದ್ದಾಗ ತೀರ್ಥಹಳ್ಳಿಯಲ್ಲಿ ಅವರು ಅಧ್ಯಕ್ಷರಾಗಿದ್ದಾಗ ತಾಲೂಕು ಮಟ್ಟದ ಯುವ ಜನ ಮೇಳಗಳು ರಾಜ್ಯ ಮಟ್ಟದ ಅದ್ದೂರಿತನದಲ್ಲಿ ಏರ್ಪಡಾಗುತ್ತಿದ್ದವು.

ಇಡೀ ತಾಲೂಕು ಸುತ್ತಿ ಅವರು  ಹೊಸ ಹೊಸ ತಂಡಗಳನ್ನು ಯುವ ಜನ ಮೇಳಗಳಿಗೆ ಕರೆ ತರುತ್ತಿದ್ದರು. ಇದಲ್ಲದೆ ಶ್ರೀನಿವಾಸ್ ಮುಳುಬಾಗಿಲು ಗ್ರಾಮ ಪಂಚಾಯತ್ ಸದಸ್ಯನಾಗಿಯೂ ತಮ್ಮ ಜನಪರ ನಿಲುವು ಹಾಗೂ ಕೆಲಸಗಳಿಂದ ಆ ಭಾಗದಲ್ಲಿ ಜನಪ್ರಿಯತೆ ಗಳಿಸಿದ್ದರು. ಜೊತೆಗೆ ಸೀಟುರೂ ವನ ದುರ್ಗ ದೇವಾಲಯದ ಧರ್ಮ ದರ್ಶಿ ಯಾಗಿ ಕಳೆದ ಹತ್ತು ವರ್ಷದಿಂದ ನಿಷ್ಠೆಯಿಂದ ಸೇವೆ ಸಲ್ಲಿಸುತ್ತಿದ್ದು ದೇವಾಲಯದ ಭಕ್ತಾದಿಗಳ ಗೌರವಕ್ಕೆ ಪಾತ್ರರಾಗಿದ್ದಾರೆ.