ಅಂಬುತೀರ್ಥ ಎ.ಎಸ್.ಪರಮೇಶ್ವರ ಭಟ್ಟರು ನಿಧನ

ಶಾಂತವೇರಿ ಗೋಪಾಲಗೌಡರ ನಿಕಟವರ್ತಿ

ಶಾಂತವೇರಿ ಗೋಪಾಲ ಗೌಡರ ನಿಕಟವರ್ತಿ ಅಂಬುತೀರ್ಥ  ಎ.ಎಸ್. ಪರಮೇಶ್ವರ ಭಟ್ಟರು (96) ಬುಧವಾರ ರಾತ್ರಿ 9:30ಕ್ಕೆ ತಮ್ಮ ಸ್ವಗೃಹದಲ್ಲಿ ನಿಧನರಾದರು.

ಇತ್ತೀಚಿನ ದಿನಗಳವರೆಗೂ ಆರೋಗ್ಯವಾಗಿದ್ದ ಪರಮೇಶ್ವರ ಭಟ್ಟರು ಅಲ್ಪಕಾಲದ ಅನಾರೋಗ್ಯ ತುತ್ತಾಗಿದ್ದರು. ಶಾಂತವೇರಿ ಗೋಪಾಲ ಗೌಡರೊಂದಿಗೆ ಹಲವಾರು ಚಳವಳಿಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿದ್ದ ಅವರು ಸರಳ ಜೀವನ ನಡೆಸಿದ್ದರು. ಅನೇಕ ಸಂಘ ಸಂಸ್ಥೆಗಳಲ್ಲಿ ತಮ್ಮನ್ನು ಸಕ್ರಿಯವಾಗಿ ತೊಡಗಿಸಿಕೊಂಡಿದ್ದರು. ಭಟ್ಟರು ಒಬ್ಬ ಮಗ ಮತ್ತು ಐವರು ಹೆಣ್ಣು ಮಕ್ಕಳು, ಅನೇಕ ಮೊಮ್ಮಕ್ಕಳು ಮತ್ತು ಅಪಾರ ಸಂಖ್ಯೆಯ ಅಭಿಮಾನಿಗಳನ್ನು ಅಗಲಿದ್ದಾರೆ.