‌ಅಮೇರಿಕಾದಿಂದ ಕಿಮ್ಮನೆ ಬಂದ್ರು…

ಕ್ಷೇತ್ರದಲ್ಲಿ ಏರಿದ ರಂಗು…
ರೈತ ಮತ್ತು ಕೃಷಿ ಸಮಿತಿ ನಿರ್ದೇಶಕರಾಗಿ ಕಿಮ್ಮನೆ

ಶಿವಮೊಗ್ಗದ ಪಾದಯಾತ್ರೆ ಗಲಾಟೆ ಗೊಂದಲದ ನಡುವೆ ಮಾಜಿ ಸಚಿವ ಕಿಮ್ಮನೆ ರತ್ನಾಕರ್‌ ಯಾವುದೇ ಪ್ರಶ್ನೆಗಳಿಗೆ ಸಿಗದೆ ಅಮೇರಿಕಾ ತೆರಳಿದ್ದರು. ಪತ್ನಿ ಆನಾರೋಗ್ಯದ ಹಿನ್ನಲೆಯಲ್ಲಿ ಸುಮಾರು 20 ದಿನಗಳ ಪ್ರವಾಸ ಮುಗಿಸಿ ಭಾನುವಾರ ತೀರ್ಥಹಳ್ಳಿಗೆ ಬಂದಿದ್ದಾರೆ. ಸೋಮವಾರ ಬಹಳ ಲವಲವಿಕೆಯಿಂದ ನೆಲದ ಧ್ವನಿ ಕಚೇರಿಗೆ ಆಗಮಿಸಿ 1 ಗಂಟೆಗೂ ಹೆಚ್ಚು ಕಾಲ ರಾಜ್ಯದ ಪಠ್ಯ ಪರಿಷ್ಕರಣೆ ಸಮಿತಿಯ ವಿವಾದವನ್ನು ಖಂಡಿಸಿದರು.

ಮಾಜಿ ಶಿಕ್ಷಣ ಸಚಿವರಾಗಿರುವ ಕಿಮ್ಮನೆ ದೇಶದ ಶಿಕ್ಷಣ ವ್ಯವಸ್ಥೆ ಹಳಿ ತಪ್ಪಿದೆ. ಬಡವ ಶ್ರೀಮಂತನಿಗೂ ಒಂದೇ ಶಿಕ್ಷಣ ಇರಬೇಕು. 1ನೇ ತರಗತಿಯಿಂದ ಪಿಯುಸಿ ಹಂತದ ವರೆಗೆ ಸರ್ಕಾರಿ ಶಿಕ್ಷಣ ನೀಡಬೇಕು. ಶಿಕ್ಷಣದೊಳಗಿನ ಅಸಮಾನತೆ ತೊಲಗಿಸುವ ಪ್ರಯತ್ನದಲ್ಲಿ ಭಾರತದ ಶಿಕ್ಷಣ ಸೋಲುತ್ತಿದೆ ಎಂದರು.

ಕಿಮ್ಮನೆ ರತ್ನಾಕರ್‌ ರಾಜ್ಯದ ವಿವಾದಕ್ಕೆ ಸಂಬಂಧಿಸಿದಂತೆ ಮಂಗಳವಾರ ಬೆಂಗಳೂರು ತೆರಳಲಿದ್ದಾರೆ. ಅಲ್ಲಿ ವಿವಾದ ಹಾಗೂ ಪಠ್ಯ ಪರಿಷ್ಕರಣ ಸಮಿತಿ ಮುಂತಾದ ವಿಚಾರಗಳ ಬಗ್ಗೆ ಸುದ್ದಿಗೋಷ್ಟಿ ನಡೆಸುವ ಸಾಧ್ಯತೆ ಇದೆ.

 ಕೆಪಿಸಿಸಿ ರೈತ ಮತ್ತು ಕೃಷಿ ಸಮಿತಿ ನಿರ್ದೇಶಕರಾಗಿ ಕಿಮ್ಮನೆ

ಅಮೇರಿಕಾದಿಂದ ಹಿಂದಿರುಗುತ್ತಿದ್ದಂತೆ ಕಿಮ್ಮನೆ ರತ್ನಾಕರ್‌ ಅವರಿಗೆ ಕರ್ನಾಟಕ ಪ್ರದೇಶ ಕಾಂಗ್ರೆಸ್‌ ಕಮಿಟಿ ನಿರ್ದೇಶಕರಾಗಿ ಸ್ಥಾನ ಲಭಿಸಿದೆ.