ಹರಿಜನ ಕಾಲೋನಿಯಲ್ಲಿ ಕಳಪೆ ಕಾಮಗಾರಿ

ಖಂಡಕ ಗ್ರಾಮದಲ್ಲಿ ಸಿದ್ದತೆ
1 ಇಂಟು ವೆಟ್‌ ಮಿಕ್ಸ್‌ ಆರೋಪ

ತೀರ್ಥಹಳ್ಳಿ ತಾಲ್ಲೂಕಿನ ನೊಣಬೂರು ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಖಂಡಕ ಗ್ರಾಮದ ಹರಿಜನ ಕಾಲೋನಿಯಲ್ಲಿ ಸುಮಾರು 50 ಲಕ್ಷ ವೆಚ್ಚದ ಕಾಂಕ್ರಿಟ್‌ ರಸ್ತೆ ಕಾಮಗಾರಿ ನಡೆಯುತ್ತಿದೆ. ಕೇವಲ 800 ಮೀಟರ್‌ ಉದ್ದದ ರಸ್ತೆಯನ್ನು ಕಳಪೆ ಕಾಮಗಾರಿ ಮೂಲಕ 10 ಲಕ್ಷ ವೆಚ್ಚದಲ್ಲಿ ಮುಗಿಸುವ ಯೋಜನೆ ರೂಪಿಸಲಾಗಿದೆ ಎಂದು ಗ್ರಾಮಸ್ಥರು ದೂರುತಿದ್ದಾರೆ.

ಆರಂಭದಲ್ಲೇ ಕಾಮಗಾರಿ ಕಳಪೆಯಿಂದ ಕೂಡಿದೆ. 6 ಇಂಚು ವೆಟ್‌ಮಿಕ್ಸ್‌ ಬದಲಿಗೆ ಕೇವಲ 1 ಇಂಚು ಬಳಸಲಾಗಿದೆ. 50 ಲಕ್ಷ ಕಾಮಗಾರಿ ಮಂಜೂರಾಗಿದ್ದು ಕಡಿಮೆ ಖರ್ಚಿನಲ್ಲಿ ಮುಗಿಸುವ ಯೋಜನೆ ಇದಾಗಿದೆ. ಇಂಜಿನಿಯರ್‌ ಕೂಡ ಕಳಪೆ ಕಾಮಗಾರಿಯಲ್ಲಿ ಕೈಜೋಡಿಸಿದ್ದಾರೆ. ಕಾಂಕ್ರಿಟ್‌ ಹಾಕುವ ಮುನ್ನ ಹಿರಿಯ ಅಧಿಕಾರಿಗಳು ಸ್ಥಳಕ್ಕೆ ಆಗಮಿಸಿ ಗುಣಮಟ್ಟ ಪರಿಶೀಲಿಸಬೇಕು. ಇಲ್ಲದಿದ್ದರೆ ಕಳಪೆ ಕಾಮಗಾರಿಯ ವಿರುದ್ದ ಹೋರಾಟ ನಡೆಸುವುದಾಗಿ ಗ್ರಾಮಸ್ಥರು ಎಚ್ಚರಿಸಿದ್ದಾರೆ.