ಆರಗ ಅವಧಿಯಲ್ಲೇ
ಖಬರಸ್ತಾನ, ವಕ್ಫ್ ಬೋರ್ಡಿಗೆ ಹೆಚ್ಚು ಮಂಜೂರಾತಿ
ಜೀನತ್ ಗೌಸ್, ರಹಮತ್
ಉಲ್ಲಾ ಅಸಾದಿ ಅವರನ್ನು ಅಧ್ಯಕ್ಷರನ್ನಾಗಿಸುವಾಗ ತತ್ವ ಸಿದ್ಧಾಂತದ ನೆನಪಿರಲಿಲ್ಲವೇ –ತುಪ್ಪದಮನೆ
ವಿನಾಯಕ
ಶಾಸಕ ಆರಗ ಜ್ಞಾನೇಂದ್ರರ
ರಾಜಕೀಯ ಕಾರಣಗಳಿಗಾಗಿ ಹಿಂದೂ ಮುಸ್ಲೀಮರ ನಡುವೆ ಕಂದಕ ಉಂಟುಮಾಡುವ ಹುನ್ನಾರ ಮಾಡುತ್ತಿರುವುದು ಸರಿಯಲ್ಲ.
ತಮ್ಮ ರಾಜಕೀಯ ಲಾಭಕ್ಕಾಗಿ ಅನೇಕ ಬಾರಿ ಮುಸ್ಲೀಮರ ಪರವಾಗಿ ನಿಂತಿರುವ ಅವರು ಈಗ ವಕ್ಫ ವಿಚಾರದಲ್ಲಿ
ಇಡೀ ಮುಸ್ಲಿಂ ಜನಾಂಗವನ್ನು ತಪ್ಪಿತಸ್ಥರು ಎನ್ನುವಂತೆ ನೋಡುತ್ತಿರುವುದು ಸರಿಯಲ್ಲ ಎಂದು ಕಾಂಗ್ರೆಸ್
ಪಕ್ಷದ ಕಾರ್ಮಿಕ ವಿಭಾಗದ ಅಧ್ಯಕ್ಷ ತುಪ್ಪದಮನೆ ವಿನಾಯಕ ಪತ್ರಿಕಾ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ವಾಸ್ತವವಾಗಿ ಬಸವರಾಜ
ಬೊಮ್ಮಾಯಿ ಅವರು ಮುಖ್ಯಮಂತ್ರಿ ಹಾಗೂ ಆರಗ ಜ್ಞಾನೇಂದ್ರ ಗೃಹಮಂತ್ರಿಯಾಗಿದ್ದಾಗಲೇ ವಕ್ಫ ಮಂಡಳಿಯಲ್ಲಿ
ಅತಿ ಹೆಚ್ಚಿನ ಅನುದಾನ ನೀಡಲಾಗಿದೆ ಅಲ್ಲದೇ ಸಂಬಂಧಿಸಿದ ಆಸ್ತಿಯನ್ನು ಕೂಡ ವಶಪಡಿಸಿಕೊಳ್ಳಲು ಸೂಚನೆಯನ್ನು
ನೀಡಲಾಗಿದ್ದು ಇದೀಗ ಬಹಿರಂಗಗೊಂಡಿದೆ. ಜ್ಞಾನೇಂದ್ರರವರೇ ಶಾಸಕರಾಗಿದ್ದ ಅವಧಿಯಲ್ಲಿ ಮುಸ್ಲಿಂ ಸಮುದಾಯದ
ಖಬರಸ್ತಾನ ಮತ್ತು ವಕ್ಫ್ ಬೋರ್ಡಿಗೆ ಅಗ್ರಹಾರ ಹೋಬಳಿಯ ಅಗಳಬಾಗಿಲಿನಲ್ಲಿ 4 ಎಕರೆ, ಆಗುಂಬೆ ಹೋಬಳಿಯ
ಹೊಸೂರಿನಲ್ಲಿ 1 ಎಕರೆ, ಮಂಡಗದ್ದೆ ಹೋಬಳಿಯ ಕಣಗಲಕೊಪ್ಪದಲ್ಲಿ 2 ಎಕರೆ, ಮಂಡಗದ್ದೆ ಹೋಬಳಿಯ ತೂದೂರಿನಲ್ಲಿ
2 ಎಕರೆ ಮಂಜೂರಾಗಿದೆ. ಆದರೆ ಈಗ ರಾಜಕೀಯ ಕಾರಣಕ್ಕಾಗಿ ಕಾಂಗ್ರೆಸ್ ರೈತರು ಆಸ್ತಿಗಳನ್ನು ವಕ್ಫ ಬೋರ್ಡಿನ
ವಶಕ್ಕೆ ನೀಡಲು ಹೊರಟಿದೆ ಎನ್ನಲು ಯಾವ ನೈತಿಕತೆ ಇದೆ ಎಂದು ಪ್ರಶ್ನಿಸಿದ್ದಾರೆ.
ಇದಲ್ಲದೇ ಅಧಿಕಾರ
ಹಿಡಿಯಬೇಕು ಎಂಬ ಒಂದೇ ಕಾರಣಕ್ಕಾಗಿ ಈ ಹಿಂದೆ ಪಟ್ಟಣ ಪಂಚಾಯಿತಿಯ ಅಧ್ಯಕ್ಷ ಸ್ಥಾನಕ್ಕೆ ಒಮ್ಮೆ ಜೀನತ್
ಗೌಸ್ ಹಾಗೂ ಇನ್ನೊಮ್ಮೆ ರಹಮತ್ ಉಲ್ಲಾ ಅಸಾದಿಯನ್ನು ಬಿಜೆಪಿಯಿಂದ ಅಧ್ಯಕ್ಷರಾಗಿ ಮಾಡುವಾಗ ಬಿಜೆಪಿ
ಅಪ್ಪಟ ಹಿಂದುಗಳ ಪಕ್ಷ ಎನ್ನುವುದು ಜ್ಞಾನೇಂದ್ರ ಅವರಿಗೆ ನೆನಪಿರಲಿಲ್ಲವೇ ಎಂದು ಪ್ರಶ್ನಿಸಿರುವ ವಿನಾಯಕ್
ಆರಗ ಜ್ಞಾನೇಂದ್ರರ ಈ ಮುಖವಾಡ ರಾಜಕಾರಣದ ವಿರುದ್ಧ ಪಕ್ಷದ ಹಿರಿಯ ನಾಯಕರೊಂದಿಗೆ ಚರ್ಚಿಸಿ ತಾಲ್ಲೂಕು
ಕಚೇರಿ ಎದುರು ಸತ್ಯಾಗ್ರಹ ಹೂಡುವುದಾಗಿ ಎಚ್ಚರಿಸಿದ್ದಾರೆ.