ಕುಗ್ರಾಮದ ವಿದ್ಯಾರ್ಥಿಯ ಸಾಧನೆ
ಯಡೂರು ಸರ್ಕಾರಿ ಪ್ರೌಢಶಾಲೆಯ ವಿದ್ಯಾರ್ಥಿ ನಿಹಾಲ್ ಹೆಚ್.ಜಿ. 625 ಅಂಕಗಳಿಗೆ 620 ಅಂಕ ಪಡೆದು ರಾಜ್ಯಕ್ಕೆ 6ನೇ ರ‍್ಯಾಂಕ್ ಪಡೆದಿದ್ದಾರೆ. ಶೇಕಡಾ 99.20 ಶ್ರೇಯಾಂಕ ಗಳಿಸಿದ್ದು ಗ್ರಾಮೀಣ ಭಾಗದ ವಿದ್ಯಾರ್ಥಿಯ ಸಾಧನೆಗೆ ಪ್ರಶಂಸೆ ಕೇಳಿ ಬರುತ್ತಿದೆ.
ಯಡೂರು ಸಮೀಪದ ವರಾಹಿ ಹಿನ್ನೀರು ಪ್ರದೇಶದ ಮೇಲುಸುಂಕ ಸಮೀಪದ ಹುಮ್ಮಡಗಲ್ಲು ಕುಗ್ರಮದ ಗಣೇಶ್ ಮತ್ತು ಸಹನಾ ದಂಪತಿಯ ಪುತ್ರ. ವಿಜ್ಞಾನ, ಸಮಾಜವಿಜ್ಞಾನದಲ್ಲಿ 100ಕ್ಕೆ 100, ಕನ್ನಡದಲ್ಲಿ 125ಕ್ಕೆ 125 ಅಂಕ ಪಡೆದಿದ್ದಾರೆ.
ಯಡೂರು ಸರ್ಕಾರಿ ಪ್ರೌಢಶಾಲೆ ಶೇಕಡಾ 95 ಶ್ರೇಯಾಂಕ ಪಡೆದಿದೆ.