ಪ್ರಜಾವಾಣಿ ನಿರಂಜನ್‌ಗೆ ಜಿಲ್ಲಾ ಅತ್ಯುತ್ತಮ ವರದಿಗಾರ ಪ್ರಶಸ್ತಿ

ಅಭಿನಂದಿಸಿದ ತಾಲ್ಲೂಕು ಪತ್ರಕರ್ತರ ಸಂಘ
ಅತ್ಯಂತ ಕಿರಿಯ ವಯಸ್ಸಿಗೆ ಮಹತ್ವದ ಪ್ರಶಸ್ತಿ ಪಡೆದ ಪ್ರತಿಭೆ

ಪ್ರಜಾವಾಣಿಯ ತೀರ್ಥಹಳ್ಳಿ ವರದಿಗಾರ ನಿರಂಜನ್‌ ಕರ್ನಾಟಕ ರಾಜ್ಯ ಕಾರ್ಯನಿರತ ಪತ್ರಕರ್ತರ ಸಂಘ ನೀಡುವ ಜಿಲ್ಲಾ ಮಟ್ಟದ ಅತ್ಯುತ್ತಮ ವರದಿಗಾರ ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ. ಸಾಮಾಜಿಕ ಕಳಕಳಿಯ ವರದಿಯನ್ನು ಗಮನಿಸಿ ಅವರನ್ನು ಪ್ರಶಸ್ತಿಗೆ ಆಯ್ಕೆ ಮಾಡಲಾಗಿದೆ. ನಿರಂಜನ್‌ ಹೊಸ ತಲೆಮಾರಿನ ಅಪಾರ ಭರವಸೆಯ, ತೀವ್ರ ಸಾಮಾಜಿಕ ಕಳಕಳಿಯ ತುಡಿತವುಳ್ಳ ಯುವ ಪತ್ರಕರ್ತನಾಗಿದ್ದು ಅವರ ವರದಿಗಳು ಪ್ರಜಾವಾಣಿ ಪತ್ರಿಕೆಯ ಉಜ್ವಲ ಪರಂಪರೆಯ ಹಾಗೂ ಸಾಮಾಜಿಕ ಬದ್ಧತೆಗೆ ಪೂರಕವಾಗಿ ಮೂಡಿಬಂದಿವೆ ಎಂಬ ಮೆಚ್ಚುಗೆಗೆ ಪಾತ್ರವಾಗಿವೆ.

ಕುವೆಂಪು ವಿಶ್ವವಿದ್ಯಾಲಯದಲ್ಲಿ ಪತ್ರಿಕೋದ್ಯಮ ಪದವಿಯನ್ನು ಮೊದಲ ರ್ಯಾಂಕ್‌  ಜೊತೆಗೆ ಪಡೆದಿರುವ   ಈ ಪ್ರತಿಭಾವಂತ, ಪತ್ರಿಕೋದ್ಯಮ ಮಾತ್ರವಲ್ಲದೇ ಸಾಹಿತ್ಯ, ನಾಟಕ, ಪ್ರಸಾಧನಕಲೆ, ಸಾಮಾಜಿಕ ಚಳವಳಿ ಮುಂತಾದ ಬಹು ವಿಚಾರಗಳಲ್ಲಿಆಸಕ್ತಿಯನ್ನು ಹೊಂದಿದ್ದು ಲವಲವಿಕೆ ವ್ಯಕ್ತಿತ್ವದ ಬರಹಗಾರರಾಗಿದ್ದಾರೆ. ತಾಲ್ಲೂಕು ಪತ್ರಕರ್ತರ ಸಂಘ ನಿರಂಜನ್‌ ಅವರನ್ನು ಅಭಿನಂದಿಸಿದೆ. ನೆಲದ ಧ್ವನಿ ಬಳಗದ ಕಿರಿಯ ಸದಸ್ಯನಾಗಿರುವ ಈ ಪ್ರತಿಭೆಯನ್ನು ಧ್ವನಿ ಬಳಗ ಕೂಡಾ ಹಾರ್ದಿಕವಾಗಿ ಅಭಿನಂದಿಸಿದೆ.