ಇಡಿ ಶೋಧ ಬಳಿಕ ಹೆಚ್ಚಿದ
ಜನರ ನಿರೀಕ್ಷೆ
ಭಾರೀ ಸಂಖ್ಯೆಯ ಅಭಿಮಾನಿಗಳು
ಕಾರ್ಯಕ್ರಮಕ್ಕೆ ಸಾಕ್ಷಿ
10ನೇ ಬಾರಿಗೆ ಡಿಸಿಸಿ
ಬ್ಯಾಂಕ್‌ ಅಧ್ಯಕ್ಷರಾದ ಆರ್.ಎಂ. ಮಂಜುನಾಥ ಗೌಡರಿಗೆ ಸರ್ವ ಸಹಕಾರಿಗಳ ಪರವಾಗಿ ನವೆಂಬರ್‌ 6ರ ಸೋಮವಾರ
ಸೊಪ್ಪುಗುಡ್ಡೆ ಶಾಂತವೇರಿ ಗೋಪಾಲಗೌಡ ರಂಗಮಂದಿರದಲ್ಲಿ “ತೌರೂರ ಸಂಮಾನ” ಹಮ್ಮಿಕೊಳ್ಳಲಾಗಿದೆ. ಶಿವಮೊಗ್ಗ
ಜಿಲ್ಲೆ ಹಾಗೂ ವಿಶೇಷವಾಗಿ ತೀರ್ಥಹಳ್ಳಿ ಸಹಕಾರಿ ಸಂಸ್ಥೆಗಳು ಬೆಳೆಯಲು ನಿಸ್ವಾರ್ಥ ಕೊಡುಗೆ ನೀಡಿದ್ದಾರೆ.
ಪುನಃ ಡಿಸಿಸಿ ಬ್ಯಾಂಕ್‌ಗೆ 10ನೇ ಬಾರಿಗೆ ಅಧ್ಯಕ್ಷರಾಗುವ ಮೂಲಕ ತಾಲ್ಲೂಕಿನ ಸಹಕಾರಿ ಹಿರಿಮೆ ಹೆಚ್ಚಿಸಿದ್ದಾರೆ
ಎಂದು ಮಂಗಳವಾರ ಸಹ್ಯಾದ್ರಿ ಸಂಸ್ಥೆಯ ಸಭಾಂಗಣದಲ್ಲಿ ಪತ್ರಿಕಾಗೋಷ್ಟಿಯಲ್ಲಿ ಬಸವಾನಿ ವಿಜಯದೇವ್‌ ಹೇಳಿದರು.
ಕಾರ್ಯಕ್ರಮವನ್ನು
ಪಕ್ಷಾತೀತವಾಗಿ ನಡೆಸಲಾಗುತ್ತಿದೆ. ಮಂಜುನಾಥ ಗೌಡರ ಸಾಧನೆ ಮತ್ತು ಸಹಕಾರಿ ರಂಗಕ್ಕೆ ಅವರು ನೀಡಿದ
ಕೊಡುಗೆಯನ್ನು ಈ ಸಂದರ್ಭದಲ್ಲಿ ಸ್ಮರಿಸಲಾಗುತ್ತದೆ. ಸಹಕಾರಿ ದಿಗ್ಗಜನ ಅಭಿನಂದನಾ ಕಾರ್ಯಕ್ರಮಕ್ಕೆ
ಎಲ್ಲಾ ಸಹಕಾರಿಗಳು ಹಾಗೂ ಅಭಿಮಾನಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಳಬೇಕೆಂದು ಕೋರಿದರು.
ಸಹಕಾರ ವೇದಿಕೆ ಕಾರ್ಯದರ್ಶಿ
ಹಾಗೂ ತುಳುನಾಡು ಸಿರಿ ಸೌಹಾರ್ದ ಸಹಕಾರಿ ಅಧ್ಯಕ್ಷ ಬಿ.ಆರ್. ರಾಘವೇಂದ್ರ ಶೆಟ್ಟಿ ಮಾತನಾಡಿ, ಮುಖ್ಯ
ಬಸ್‌ ನಿಲ್ದಾಣದಿಂದ ಆಜಾದ್‌ ರಸ್ತೆಯ ಮಾರ್ಗವಾಗಿ ತೆರೆದ ವಾಹನದಲ್ಲಿ ಆರ್.ಎಂ. ಮಂಜುನಾಥ ಗೌಡರ ಮೆರವಣಿಗೆ
ಹಾಗೂ ಒಂದು ಸಾವಿರಕ್ಕೂ ಹೆಚ್ಚು ಬೈಕ್‌ ರ್ಯಾಲಿ ಹಮ್ಮಿಕೊಳ್ಳಲಾಗಿದೆ. ಕಾರ್ಯಕ್ರಮದ ಸಭಾಂಗಣಕ್ಕೆ
ವಿಶ್ವ ಸಹಕಾರಿ ಬಿ.ಎಸ್. ವಿಶ್ವನಾಥ್‌ ಹಾಗೂ ಪಟ್ಟಣ ಪಂಚಾಯಿತಿ ಮುಂಭಾಗದಲ್ಲಿ ಸಹಕಾರಿ ರತ್ನ ಕೆ.ನರಸಿಂಹ
ನಾಯಕ್‌ ಅವರ ಮಹಾದ್ವಾರ ಮಾಡಲಾಗುತ್ತಿದೆ. ಸುಮಾರು 5 ಸಾವಿರಕ್ಕೂ ಹೆಚ್ಚು ಅಭಿಮಾನಿಗಳು ಭಾಗವಹಿಸುವ
ನಿರೀಕ್ಷೆ ಇದೆ ಎಂದು ಹೇಳಿದರು.
ಪತ್ರಿಕಾಗೋಷ್ಟಿಯಲ್ಲಿ
ಡಿಸಿಸಿ ಬ್ಯಾಂಕ್‌ ನಿರ್ದೇಶಕ ದುಗ್ಗಪ್ಪಗೌಡ ಇದ್ದರು.
ಅಕ್ಟೋಬರ್‌ 6 ರಂದು
ಡಿಸಿಸಿ ಬ್ಯಾಂಕ್‌ ಅಧ್ಯಕ್ಷ ಆರ್.ಎಂ. ಮಂಜುನಾಥ ಗೌಡರಿಗೆ ಹಮ್ಮಿಕೊಂಡಿದ್ದ ತೌರೂರ ಸಂಮಾನ ರದ್ದಾದ
ಹಿನ್ನಲೆಯಲ್ಲಿ ಅಭಿಮಾನಿಗಳ ಬೇಸರಕ್ಕೆ ಕಾರಣವಾಗಿತ್ತು. ಇಡಿ ಅಧಿಕಾರಿಗಳ ಮೇಲೆ ಅನೇಕ ನಾಯಕರು ಕೂಡ
ತಮ್ಮ ಅಸಮಾಧಾನ ಹೊರಹಾಕಿದ್ದಾರೆ. ಈ ಮಧ್ಯೆ ತೌರೂರು ಸಂಮಾನ ಕಾರ್ಯಕ್ರಮ ಪುನಃ ಆಯೋಜನೆ ಮಾಡಿರುವುದು
ಅನೇಕರ ಖುಷಿಗೆ ಕಾರಣವಾಗಿದೆ. ತೀರ್ಥಹಳ್ಳಿ ಪಟ್ಟಣ ಸೇರಿದ್ದಂತೆ ಗ್ರಾಮೀಣ ಭಾಗದಲ್ಲಿ ಅನೇಕರು ಕಾರ್ಯಕ್ರಮಕ್ಕೆ
ಆಗಮಿಸುವ ಉತ್ಸಾಹ ತೋರುತ್ತಿದ್ದಾರೆ. ಆಯೋಜಕರು ಕೂಡ ಹಳ್ಳಿಗಳನ್ನು ತಲುಪಲು ಯಶಸ್ವಿಯಾಗುತ್ತಿರುವುದು
ಅಭಿನಂದನಾ ಸಮಾರಂಭಕ್ಕೆ ಚೈತನ್ಯ ತುಂಬಲಿದೆ ಎಂದು ಹೇಳಲಾಗುತ್ತಿದೆ.