ಕಾಯ್ದೆ ತಿದ್ದುಪಡಿ
ಅಗತ್ಯ – ಕಿಮ್ಮನೆ
ಕಾನೂನಿನ ಅಜ್ಞಾನ
ಕ್ಷಮಾರ್ಹವಲ್ಲ
ದೇಶದಲ್ಲಿ ಅನೇಕ
ಅನುಪಯುಕ್ತ ಕಾಯ್ದೆಗಳು ಜನಮಾನದಲ್ಲಿ ಬಾರದೆ ಜೀವಂತವಿದೆ. ಅವುಗಳನ್ನು ಪುನರ್‌ ಪರಿಶೀಲಿಸಿ ವರ್ತಮಾನದ
ಅಗತ್ಯತೆಗೆ ತಕ್ಕಂತೆ ಪೂರಕ ತಿದ್ದುಪಡಿ ಮಾಡಬೇಕು. “ಕಾನೂನಿನ ಅಜ್ಞಾನ ಕ್ಷಮಾರ್ಹವಲ್ಲ” ಆದರೆ ಜನರಿಗೆ
ತಿಳಿದ ಕಾನೂನುಗಳನ್ನು ಹೇರಿಕೆ ಮಾಡುವುದು ಕೂಡ ಸರಿಯಲ್ಲ. ಅರಣ್ಯ ಕಾಯ್ದೆ ಸಾರ್ವಜನಿಕರಿಗೆ ತಿಳಿಯದ
ಹಿನ್ನಲೆಯಲ್ಲಿ ಜಾಗೃತಿ ಮೂಡಿಸುವ ಕಾರ್ಯಕ್ರಮ ಆಗಬೇಕು. ಪೂರಕ ತಿದ್ದುಪಡಿಗೆ ಸರ್ಕಾರ ಅವಕಾಶ ಮಾಡಿಕೊಡುವುದು
ಅಗತ್ಯ ಎಂದು ಮಾಜಿ ಸಚಿವ ಕಿಮ್ಮನೆ ರತ್ನಾಕರ್‌ ಪ್ರಕಟಣೆಯಲ್ಲಿ ಹೇಳಿದ್ದಾರೆ.
ಹುಲಿ ಉಗುರು ಮತ್ತು ಇತರೆ ಪ್ರಾಣಿಗಳಿಗೆ ಸಂಭಂಧಪಟ್ಟಂತೆ ಕಾನೂನು ಬಾಹಿರವಾಗಿ ಅನೇಕ ಭಾಗಗಳಲ್ಲಿ ವಸ್ತುಗಳ ಸಂಗ್ರಹಣೆ ಇದೆ. ಸರ್ಕಾರ ತಾತ್ಕಾಲಿಕವಾಗಿ ಸುಗ್ರೀವಾಜ್ಞೆ ಮಾಡಿ ಸಾರ್ವಜನಿಕರಿಗೆ ಕಾಲಾವಕಾಶ ನೀಡಿ ಸಂಗ್ರಹಿಸಿದ ವಸ್ತುಗಳನ್ನು ಸರ್ಕಾರಕ್ಕೆ ಹಸ್ತಾಂತರ ಮಾಡುವ ಅವಕಾಶ ಮಾಡಬೇಕು. ಈ ನಿಯಮ ಸರ್ಕಾರ ಹಾಗೂ ಸಾರ್ವಜನಿಕರ ಪಾಲಿಗೆ ಒಳ್ಳೆಯದಾಗಲಿ. ಇಲ್ಲದಿದ್ದರೆ ಅಕ್ರಮವಾಗಿ ಸಂಗ್ರಹಿಸಿದ ವಸ್ತುಗಳು ಕಾನೂನು ಕಾಯ್ದೆಗೆ ಹೆದರಿ ಕಸದ ಪಾಲಾಗುತ್ತದೆ. ಇಂತಹ ವಸ್ತುಗಳನ್ನು ಸಂಗ್ರಹಣೆಗೆ ಸ್ಥಳೀಯ ಅರಣ್ಯ ಇಲಾಖೆ ವ್ಯಾಪ್ತಿಯಲ್ಲಿಯೇ ಅವಕಾಶ ಮಾಡಿಕೊಡಬೇಕು ಎಂದು ಮುಖ್ಯಮಂತ್ರಿ ಸಿದ್ಧರಾಮಯ್ಯ ಹಾಗೂ ಅರಣ್ಯ ಸಚಿವ ಈಶ್ವರ್‌ ಖಂಡ್ರೆ ಅವರಿಗೆ ಕಿಮ್ಮನೆ ಪತ್ರ ಬರೆದಿರುವುದನ್ನು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
