ಯುವ ಸಹಕಾರಿ ಹೆಚ್.ವಿ. ಅಜಿತ್ ನೇತೃತ್ವ
ಶರಾವತಿ ಸಂಸ್ಥೆ 23ನೇ ವರ್ಷಕ್ಕೆ ಪಾದಾರ್ಪಣೆ
ಶರಾವತಿ
ಪತ್ತಿನ ಸಹಕಾರ ಸಂಘ 110 ಕೋಟಿ ಮಾರುಕಟ್ಟೆ ಮೌಲ್ಯದ ಸ್ಥಿರಾಸ್ತಿ ಹೊಂದಿಎ. ವಾರ್ಷಿಕ 174 ಕೋಟಿ ರೂಪಾಯಿ ವಾರ್ಷಿಕ ವಹಿವಾಟು ನಡೆಸಿ 2.20 ಕೋಟಿ ರೂಪಾಯಿ ನಿವ್ವಳ ಲಾಭ ಪಡೆದಿದೆ ಎಂದು ಅಧ್ಯಕ್ಷ ಹೆಚ್.ವಿ. ಅಜಿತ್ ತಿಳಿಸಿದರು.
ಪತ್ರಿಕಾಗೋಷ್ಟಿಯಲ್ಲಿ
ಅವರು ಮಾತನಾಡಿ, ರಾಷ್ಟ್ರೀಕೃತ ಬ್ಯಾಂಕುಗಳು ನಿರ್ಲಕ್ಷಿಸಿದ ಮದ್ಯಮ, ಕೆಳ ಮದ್ಯಮ ವರ್ಗದವರ ಆರ್ಥಿಕ
ಸಂಕಷ್ಟಕ್ಕೆ ಸ್ಪಂದಿಸುತ್ತಿದೆ. ನೂರಾರು ಕುಟುಂಬಗಳಿಗ ಆರ್ಥಿಕ ಉತ್ತೇಜನಕ್ಕೆ ಸಂಸ್ಥೆ ಸಹಕಾರಿಯಾಗಿದೆ
ಎಂದು ಹೇಳಿದರು.
ರಾಜ್ಯದಲ್ಲಿ ಸಹಕಾರ
ಸಂಸ್ಥೆಗಳು ನಷ್ಟದಿಂದ ಅವನತಿಗೆ ತಲುಪುತ್ತಿದ್ದ ಕಾಲಘಟ್ಟದಲ್ಲಿ ಕಡಿಮೆ ಬಂಡವಾಳದಿಂದ ಸಂಸ್ಥೆ ಆರಂಭಿಸಲಾಗಿದೆ.
2001ರಲ್ಲಿ 1800 ಷೇರುದಾರ ಸದಸ್ಯರು ಉತ್ತೇಜನ ನೀಡಿದ್ದರಿಂದ ಇದೀಗ ನೂರಾರು ಕುಟುಂಬಕ್ಕೆ ಸಹಕಾರವಾಗಿದೆ.
ವಾರ್ಷಿಕವಾಗಿ ಇದೀಗ 46.66 ಕೋಟು ರೂಪಾಯಿ ಸಾಲ ವಿತರಿಸುವ ಹಂತಕ್ಕೆ ಸಂಸ್ಥೆ ಸದೃಢವಾಗಿ ಬೆಳೆದಿದೆ
ಎಂದರು.
23ನೇ ವರ್ಷಕ್ಕೆ ಸಂಸ್ಥೆ
ಕಾಲಿಟ್ಟಿದ್ದು ಷೇರುದಾರರಿಗೆ ಶೇಕಡಾ 10 ರಷ್ಟು ಡಿವಿಡೆಂಟ್ ನೀಡಲು ಆಡಳಿತ ಮಂಡಳಿ ನಿರ್ಧರಿಸಿದೆ.
ಆಡಿಟ್ ವರ್ಗೀಕರಣದಲ್ಲಿ “ಎ”
ಗ್ರೇಡ್ ಪಡೆದುಕೊಂಡಿದೆ. ಸಂಸ್ಥೆಯ
ಸರ್ವ ಸದಸ್ಯರ ಮಹಾಸಭೆಯನ್ನು ಸೆಪ್ಟೆಂಬರ್ 11 ರಂದು ಸೊಪ್ಪುಗುಡ್ಡೆ ಶಾಂತವೇರಿ ಗೋಪಾಲಗೌಡ ರಂಗಮಂದಿರದಲ್ಲಿ
ಆಯೋಜಿಸಲಾಗಿದೆ. ಷೇರುದಾರರು ಸಭೆಗೆ ಆಗಮಿಸುವಂತೆ ಕೋರಿದರು.
ಪತ್ರಿಕಾಗೋಷ್ಟಿಯಲ್ಲಿ
ಸ್ಥಾಪಕ ಅಧ್ಯಕ್ಷ ಬಸವಾನಿ ವಿಜಯದೇವ್, ಕಾರ್ಯದರ್ಶಿ ಸುನೀತ ಬಿ.ಎಂ. ಇದ್ದರು.