ಕ್ಷೇತ್ರ ಮುಖಂಡರಿಗೆ ಮಾಜಿ ಹೆಚ್.ಡಿ. ಕುಮಾರಸ್ವಾಮಿ ಸಿಎಂ ಕರೆ
ವಿಧಾನಸಭಾ ಚುನಾವಣೆ ಇನ್ನೇನು ಕೆಲಸವೇ ದಿನಗಳಲ್ಲಿ
ಘೋಷಣೆ ಮಾಡಲಿದ್ದು ಜಾತ್ಯಾತೀತ ಜನತಾದಳ ರಾಜ್ಯಕ್ಕೆ ನೀಡಿರುವ ಕೊಡುಗೆಗಳನ್ನು ಜನರ ಮುಂದಿಟ್ಟು
ಜನಾಭಿಪ್ರಾಯ ರೂಪಿಸಿದ ಎಂದು ಮಾಜಿ ಸಿಎಂ ಹೆಚ್.ಡಿ. ಕುಮಾರಸ್ವಾಮಿ ಇತ್ತೀಚೆಗೆ ಹೊಡಿಯಾಳದಲ್ಲಿ
ತಾಲ್ಲೂಕು ಅಧ್ಯಕ್ಷ ಕುಣಜೆ ಕಿರಣ್‌, ಜಿಲ್ಲಾ ಕಾರ್ಯಾಧ್ಯಕ್ಷ ರಾಮಕೃಷ್ಣ ಮತ್ತು ತಾಲ್ಲೂಕು ಯುವ
ಜನತಾದಳ ಅಧ್ಯಕ್ಷ ತಲಬಿ ರಾಘವೇಂದ್ರರಿಗೆ ಸೂಚಿಸಿದ್ದಾರೆ.
ಶೃಂಗೇರಿಗೆ ಪಂಚರತ್ನ ಸಾಗುವ ಮಾರ್ಗದಲ್ಲಿ ಇವರುಗಳ
ಜೊತೆಗೆ ಆತ್ಮೀಯವಾಗಿ ಮಾತನಾಡಿದ ಅವರು ತೀರ್ಥಹಳ್ಳಿ ಕ್ಷೇತ್ರದಲ್ಲಿ ಜೆಡಿಎಸ್‌ ಇಂದಿಗೂ ಭದ್ರ
ಭುನಾದಿ ಹೊಂದಿದೆ. ನಿಷ್ಟಾವಂತ ಕಾರ್ಯಕರ್ತರು ಹಾಗೂ ಹಳೆಯ ಮುಖಂಡರಿಗೆ ಆತ್ಮವಿಶ್ವಾಸವನ್ನು ತುಂಬಿ
ಮರಳಿ ಪಕ್ಷದ ಸಂಘಟನೆಗೆ ಕರೆತರಬೇಕಿದೆ. ತಾಲ್ಲೂಕಿನ ಜ್ವಲಂತ ಸಮಸ್ಯೆಗಳನ್ನು ಮುಂದಿಟ್ಟು
ಮುನ್ನುಗ್ಗಬೇಕು ಎಂಬ ಹಿತವಚನವನ್ನು ಹೆಚ್.ಡಿ. ಕುಮಾರಸ್ವಾಮಿ ನೀಡಿದ್ದಾರೆ ಎಂದು ತಲಬಿ
ರಾಘವೇಂದ್ರ ಪ್ರಕಟಣೆಯಲ್ಲಿ ಹೇಳಿದ್ದಾರೆ.
ತೀರ್ಥಹಳ್ಳಿ ಕ್ಷೇತ್ರದಲ್ಲಿ ಪಂಚರತ್ನ ಯಾತ್ರೆಗೆ ಸಿಕ್ಕ ಸ್ವಾಗತ, ಕಾರ್ಯಕರ್ತರ ಉತ್ಸಾಹ, ಬೃಹತ್‌ ಅಡಿಕೆ ಹಾರ ಎಲ್ಲವನ್ನು ಮೆಲುಕು ಹಾಕಿ ಸಂತೋಷ ವ್ಯಕ್ತಪಡಿಸಿದ ಕುಮಾರಸ್ವಾಮಿ ಈ ಯಶಸ್ಸಿಗಾಗಿ ತೀರ್ಥಹಳ್ಳಿಯ ಪ್ರಜ್ಞಾವಂತ ಜನತೆಗೆ ಕೃತಜ್ಞತೆ ಹೇಳಿದ್ದಾರೆ ಅಲ್ಲದೇ ತಾಲ್ಲೂಕು ಅಧ್ಯಕ್ಷ ಕಿರಣ್‌ ಪ್ರಭಾಕರ್‌, ನಿಯೋಜಿತ ವಿಧಾನಸಭಾ ಅಭ್ಯರ್ಥಿ ರಾಜಾರಾಮ್‌ ಯಡೂರು, ಜಿಲ್ಲಾ ಮುಖಂಡ ಹೆದ್ದೂರು ನಟರಾಜ್‌ ಸೇರಿದಂತೆ ಪಕ್ಷದ ಎಲ್ಲರಿಗೂ ಕೃತಜ್ಞತೆ ವ್ಯಕ್ತಪಡಿಸಿದ್ದಾರೆ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.
