ಬುಧವಾರ ಕೋಳಿಕಾಲುಗುಡ್ಡದ ಆರ್ಯ ಈಡಿಗರ ಸಮುದಾಯ ಭವನದಲ್ಲಿ ಪತ್ರಿಕಾಗೋಷ್ಠಿ ಉದ್ದೇಶಿಸಿ ಅವರು ಮಾತನಾಡಿದರು.
ಶೈಕ್ಷಣಿಕ, ಔದ್ಯೋಗಿಕ, ಸಾಮಾಜಿಕ ಬದಲಾವಣೆಗಾಗಿ ಇಟ್ಟಿದ್ದ ಸುಮಾರು 10 ವರ್ಷಗಳ ಬೇಡಿಕೆ ಈಡೇರಿದೆ. 2ಎ ಪಂಗಡದಲ್ಲಿ ಧ್ವನಿಗೂಡಿಸುವ ದೊಡ್ಡ ಜಾತಿಗಳ ಸಂಖ್ಯೆ ಕಡಿಮೆ. ಸಣ್ಣಪುಟ್ಟ ಉಪಪಂಗಡಗಳನ್ನು ಒಟ್ಟುಗೂಡಿಸುವ ಪ್ರಯತ್ನ ಇನ್ನಷ್ಟು ಸದೃಢವಾಗಿ ಜಾರಿಗೊಳಿಸಲು ಕಾರ್ಯಯೋಜನೆ ತಯಾರಾಗುತ್ತಿದೆ. ನಿಗಮ ಇನ್ನಷ್ಟು ಕ್ರಿಯಾಶೀಲವಾಗಿ ಕೆಲಸ ಮಾಡಲಿದೆ ಎಂದು ತಿಳಿಸಿದರು.
ರಾಜ್ಯಕ್ಕೆ ಬೆಳಕು ನೀಡಲು ಭೂಮಿ ಕಳೆದುಕೊಂಡ ಮುಳುಗಡೆ ಸಂತ್ರಸ್ತರು ಅತಂತ್ರರಾಗಿದ್ದಾರೆ. ಶರಾವತಿ ಸಂತ್ರಸ್ತರಿಗೆ ಸರ್ಕಾರ ಅನ್ಯಾಯವಾಗದಂತೆ ಎಚ್ಚರ ವಹಿಸಬೇಕು. ಸಂತ್ರಸ್ತರಿಗೆ ಭೂಮಿ ಹಂಚಲು ಪ್ರಸ್ತುತ ಸುಮಾರು 25,000 ಎಕರೆಗೂ ಹೆಚ್ಚು ಜಮೀನಿನ ಅವಶ್ಯಕತೆ ಇದೆ. ರಾಜ್ಯಪತ್ರದಲ್ಲಿ ಪ್ರಕಟಿಸಿರುವ ಡಿನೋಟಿಫಿಕೇಷನ್‌ ರದ್ದು ಆದೇಶದಿಂದ ಸಂತ್ರಸ್ತರು ಕಂಗಾಲಾಗಿದ್ದಾರೆ. ಕೇಂದ್ರ ಸರ್ಕಾರಕ್ಕೆ ಪ್ರಸ್ತಾವ ಸಲ್ಲಿಸಿ ಸದ್ಯ 9,934 ಎಕರೆ ಮಂಜೂರು ಮಾಡಬೇಕು ಎಂದು ಒತ್ತಾಯಿಸಿದರು.
ವಿಶಾಲ್‌ ಕುಮಾರ್‌, ಈಡಿಗ ಸಂಘದ ಅಧ್ಯಕ್ಷ ಮಟ್ಟಿನಮನೆ ರಾಮಚಂದ್ರ, ಮುಖಂಡರಾದ ಚಿಪ್ಪಿನಕೊಡಿಗೆ ವೆಂಕಟೇಶ್‌, ಗೀತಾ ರಾಘವೇಂದ್ರ, ಕುರುವಳ್ಳಿ ನಾಗರಾಜ್‌, ಪೂರ್ಣೇಶ್‌ ಪೂಜಾರಿ, ಲೋಕೇಶ್‌, ಅಕ್ಷಯ್‌, ನಾಗವೇಣಿ, ಹೇಮರಾಜ್‌, ಶ್ರೀಧರ್‌ ಇದ್ದರು.
