ಅಡಿಕೆಗೆ ಅಚ್ಚೆದಿನ್…!
ಮುಗ್ಗರಿಸುವುದೇ ಅಡಿಕೆ ಧಾರಣೆ...?
17 ಸಾವಿರ ಟನ್ ಭೂತಾನ್ ಅಡಿಕೆ ಅಮದು
ಕನಿಷ್ಠ ಆಮದು ಬೆಲೆ ರಹಿತ ಖರೀದಿ ಅನುಮತಿ
ಅಡಿಕೆಗೆ ಈ ವರ್ಷವೂ ಕೂಡ ಕಳೆದ ವರ್ಷದ ಧಾರಣೆ ಸ್ಥಿರವಾಗಿರಲಿದೆ ಎಂದು ಬೆಳೆಗಾರ ನಿರೀಕ್ಷೆ
ಮಾಡುತ್ತಿರುವಾಗಲೇ ಪ್ರತೀವರ್ಷವೂ ಅಡಿಕೆ ಮಾರುಕಟ್ಟೆಗೆ ಬರುವಾಗ ಏನಾದರೊಂದು ಖ್ಯಾತೆ ತೆಗೆದು ಧಾರಣೆ
ಕುಸಿಯುವಂತೆ ಮಾಡುವುದು ಮಾಮೂಲಾಗುದೆ. ಈ ವರ್ಷ ಮುಖ್ಯವಾಗಿ ರಾಶಿ ಇಡಿ 50 ಸಾವಿರ ದಾಟಿದ ಬೆಲೆ ಹೊಂದಲಿದೆ
ಎಂದು ಅಂದಾಜು ಮಾಡುತ್ತಿರುವಾಗಲೇ ಕೇಂದ್ರ ಸರ್ಕಾರ ಭೂತಾನ್ನಿಂದ 17 ಸಾವಿರ ಟನ್ ಹಸಿ ಅಡಿಕೆಯನ್ನು
ಅಮದು ಮಾಡಿಕೊಳ್ಳಲು ಬುಧವಾರ ಅವಕಾಶ ಕಲ್ಪಿಸಿದೆ ಎಂದು ಪಿಟಿಐ ವರಧಿ ಮಾಡಿದೆ.ಇದೊಂದೇ ಸುದ್ದಿ ಅಡಿಕೆ ಬೆಳೆ ಧಾರಣೆಯನ್ನು ಅಲ್ಲೋಲ ಕಲ್ಲೋಲ ಮಾಡಲಿದೆ. ಇನ್ನಷ್ಟು ಆತಂಕದ ಸುದ್ದಿ ಎಂದರೆ ಕನಿಷ್ಠ ಆಮದು ಬೆಲೆಯ (ಎಂಐಪಿ) ಷರತ್ತು ಇಲ್ಲದೆಯೇ ಈ ಪ್ರಮಾಣದ ಅಡಿಕೆಯನ್ನು ಆಮದು ಮಾಡಲು ಕಲ್ಪಿಸಲಾಗಿದೆ. ಇತ್ತೀಚೆಗಷ್ಟೇ ಗೃಹಸಚಿವ ಮತ್ತು ಅಡಿಕೆ ಟಾಸ್ಕ್ ಫೋರ್ಸ್ ಅಧ್ಯಕ್ಷ, ಸ್ವತಃ ಅಡಿಕೆ ಬೆಳೆಗಾರರೂ ಆಗಿರುವ ಆರಗ ಜ್ಞಾನೇಂದ್ರ ಅಡಿಕೆ ಧಾರಣೆ ಸ್ಥಿರವಾಗಲು ಕೇಂದ್ರ ಬಿಜೆಪಿ ಸರ್ಕಾರ ಕಾರಣ ಎಂದು ಮನತುಂಬಿ ಶ್ಲಾಘಿಸಿದ ಕೆಲವೇ ದಿನಗಳಲ್ಲಿ ಈ ಬೆಳವಣಿಗೆ ನಡೆದಿದೆ.
ದೇಶದ ಅಡಿಕೆ ಬೆಳೆಗಾರರ ಹಿತ ಕಾಯುವ ಉದ್ದೇಶದಿಂದ ಕೇಂದ್ರವು 2017ರಲ್ಲಿ ಕನಿಷ್ಠ ಆಮದು ಬೆಲೆಯು ಕೆ.ಜಿ.ಗೆ 251 ರೂಪಾಯಿ ಇರಬೇಕು ಎಂಬ ಷರತ್ತು ವಿಧಿಸಿತ್ತು. ಈ ಬೆಲೆಗಿಂತ ಕಡಿಮೆಗೆ ಆಮದು ಮಾಡಿಕೊಳ್ಳಲು ಅವಕಾಶವಿರಲಿಲ್ಲ. ಆದರೆ ಈಗ ಪ್ರತಿ ವರ್ಷ 17 ಸಾವಿರ ಟನ್ನಷ್ಟು ಅಡಿಕೆಯನ್ನು ಈ ಷರತ್ತು ಇಲ್ಲದೆ ಕಡಿಮೆ ಬೆಲೆಯಲ್ಲಿ ಆಮದು ಮಾಡಿಕೊಳ್ಳುವ ಅವಕಾಶ ನೀಡಲಾಗಿದೆ.
ಪ್ರಸಕ್ತ ಹಣಕಾಸು ವರ್ಷದಲ್ಲಿ 8,500 ಟನ್ ಹಸಿ ಅಡಿಕೆಯನ್ನು ಎಂಐಪಿ ಷರತ್ತು ಇಲ್ಲದೆ ಆಮದು ಮಾಡಿಕೊಳ್ಳಬಹುದು. 2023–24ರಲ್ಲಿ 17 ಸಾವಿರ ಟನ್ ಹಸಿ ಅಡಿಕೆ ಆಮದು ಮಾಡಿಕೊಳ್ಳಬಹುದು. ಈ ಎಲ್ಲಾ ಆಟಗಳಿಗೆ ಕಾರಣ ಕೇಂದ್ರದ ಅತ್ಯಂತ ಪ್ರಭಾವಿ ಮಂತ್ರಿಯೊಬ್ಬರು ಬೇನಾಮಿಯಾಗಿ ಹಲವಾರು ಗುಟ್ಕಾ ಫ್ಯಾಕ್ಟರಿ ಹೊಂದಿದ್ದು ಆತನ ಹಾಗೂ ಆತನ ಹಿಂಬಾಲಕ ಉದ್ಯಮಿಗಳ ಹಿತಾಸಕ್ತಿಗಾಗಿಯೇ ಇಂತಹ ನಿರ್ಧಾರಗಳನ್ನು ಕೈಗೊಳ್ಳಲಾಗುತ್ತಿದೆ ಎಂಬ ಚರ್ಚೆಯೂ ಕೇಳಿ ಬರುತ್ತಿದೆ.