ಬಲಿದಾನದ ಇತಿಹಾಸ ಪ್ರಜ್ಞೆ ಅಗತ್ಯ
ಕಸಾಪದ ಪ್ರಯತ್ನ ಅಭಿನಂದನೆ
ರಾಜ್ಯದ ಕನ್ನಡ ಸಾಹಿತ್ಯ ಪರಿಷತ್ತು 1915 ರಲ್ಲಿ ಆರಂಭಗೊಂಡು
ಈಗಾಗಲೇ ಶತಮಾನೋತ್ಸವವನ್ನು ಆಚರಿಸಿಕೊಂಡಿದೆ. ದೇಶವು ಅಮೃತ ಮಹೋತ್ಸವ ಸ್ವಾತಂತ್ರ್ಯ
ಸಂಭ್ರಮವನ್ನು ಆಚರಿಸಿರುವ ಸಂದರ್ಭದಲ್ಲಿ ಮಹಾತ್ಮ ಗಾಂಧೀಜಿ, ಸ್ವಾತಂತ್ರ್ಯ ಹೋರಾಟ ಮತ್ತು ಸ್ವಾತಂತ್ರ್ಯ ಹೋರಾಟಗಾರರ ಕುರಿತು ಪದವಿ
ಕಾಲೇಜಿನಲ್ಲಿ ರಸ ಪ್ರಶ್ನೆ ಕಾರ್ಯಕ್ರಮ ಏರ್ಪಡಿಸುವ ಮೂಲಕ ಕನ್ನಡ ಸಾಹಿತ್ಯ ಪರಿಷತ್ತಿನ ನಡೆ
ವಿದ್ಯಾರ್ಥಿಗಳ ಕಡೆಗೆ ಎನ್ನುವುದು ಅಭಿನಂದನೀಯವಾಗಿದೆ ಎಂದು ತುಂಗಾ ಮಹಾ ವಿದ್ಯಾಲಯದ
ಪ್ರಾಂಶುಪಾಲರಾದ ಡಾ.ಕೆ.ಆಂಜನಪ್ಪ ಅವರು ಹೇಳಿದರು.
ತೀರ್ಥಹಳ್ಳಿಯ ತುಂಗಾ ಮಹಾ ವಿದ್ಯಾಲಯದಲ್ಲಿ ಸೆ.27 ರಂದು ತಾಲೂಕು ಕನ್ನಡ ಸಾಹಿತ್ಯ ಪರಿಷತ್ತು
ಆಶ್ರಯದಲ್ಲಿ ವಿವಿಧ ಪದವಿ ಕಾಲೇಜು ವಿದ್ಯಾರ್ಥಿಗಳಿಗೆ ನಡೆದ ರಸಪ್ರಶ್ನೆ ಕಾರ್ಯಕ್ರಮದ ಮುಖ್ಯ
ಅತಿಥಿಗಳಾಗಿ ಮಾತನಾಡುತ್ತಿದ್ದ ಆಂಜನಪ್ಪ ಅವರು,
ವಿದ್ಯಾರ್ಥಿಗಳಲ್ಲಿ ದೇಶದ ಸ್ವಾತಂತ್ರ್ಯಕ್ಕಾಗಿ ತ್ಯಾಗ , ಬಲಿದಾನ ಮಾಡಿದವರ ಕುರಿತು ತಿಳಿದುಕೊಳ್ಳುವ
ಆಸಕ್ತಿ ಮೂಡಿಸುವ ಕಸಾಪದ ಇಂತಹ ಪ್ರಯತ್ನಗಳು ಶ್ಲಾಘನೀಯವಾದುದು ಎಂದು ನುಡಿದರು.
ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದ ತುಂಗಾ ಮಹಾವಿದ್ಯಾಲಯದ
ಆಡಳಿತ ಮಂಡಳಿ ಅಧ್ಯಕ್ಷ ಕೌಲಾನಿ ಧರ್ಮಯ್ಯ ಅವರು,
ತಾಲೂಕು ಮಟ್ಟದಲ್ಲಿ ರಸ ಪ್ರಶ್ನೆ ನಡೆಸಿ ಇಲ್ಲಿ ಆಯ್ಕೆಯಾದವರನ್ನು ಜಿಲ್ಲಾ ಮಟ್ಟಕ್ಕೆ
ಕಳುಹಿಸುವುದು ಹಾಗೂ ವಿದ್ಯಾರ್ಥಿಗಳಲ್ಲಿ ಸ್ವಾತಂತ್ರ್ಯ ಹೋರಾಟದ ಕುರಿತಾಗಿ ಆಸಕ್ತಿ ಮೂಡಿಸುವ
ಕಸಾಪದ ಪ್ರಯತ್ನ ಅಭಿನಂದನೀಯ ಎಂದರು.
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ತೀರ್ಥಹಳ್ಳಿ ತಾಲೂಕು ಕನ್ನಡ ಸಾಹಿತ್ಯ
ಪರಿಷತ್ತು ಅಧ್ಯಕ್ಷ ಟಿ.ಕೆ.ರಮೇಶ್ ಶೆಟ್ಟಿ ಅವರು ವಹಿಸಿದ್ದರು. ತುಂಗಾ ಮಹಾವಿದ್ಯಾಲಯದ
ಕಾರ್ಯದರ್ಶಿ ಡಾನ್ ರಾಮಣ್ಣ, ಸಹ ಕಾರ್ಯದರ್ಶಿ
ಜೆ.ಟಿ.ಸುಂದರೇಶ್, ಸಾಹಿತ್ಯ
ಪರಿಷತ್ತು ಕಾರ್ಯದರ್ಶಿಗಳಾದ ಗಾಯತ್ರಿ ಶೇಷಗಿರಿ,
ಸೌಳಿ ನಾಗರಾಜ್, ಕಸಾಪ
ಕೋಶಾಧ್ಯಕ್ಷ ಹಾಲಿಗೆ ನಾಗರಾಜ್, ಅಧ್ಯಾಪಕರಾದ ಡಾ. ದೀಪಾ ,
ಚಂದ್ರಪ್ಪ, ಮೋಹನ್
ಕುಮಾರ್ , ಕನ್ನಡ
ಸಾಹಿತ್ಯ ಸಾಂಸ್ಕೃತಿಕ ವೇದಿಕೆ ಕಾರ್ಯದರ್ಶಿ ನಿಶ್ಚಲ್ ಜಾದೂಗಾರ್, ಕಸಾಪ ತಾಲೂಕು ಘಟಕದ ಆರ್.ಎಂ.ಧರ್ಮಕುಮಾರ್ , ಮಹಮ್ಮದ್ ಉಪಸ್ಥಿತರಿದ್ದರು.
ರಸ ಪ್ರಶ್ನೆ ಸ್ಪರ್ಧೆ ಕಾರ್ಯಕ್ರಮದಲ್ಲಿ ತುಂಗಾ ಮಹಾವಿದ್ಯಾಲಯದ
ವಿದ್ಯಾರ್ಥಿಗಳು ಮೊದಲ ಸ್ಥಾನ ಪಡೆದರೆ,
ಬಾಳೇಬೈಲು ಸರ್ಕಾರಿ ಪ್ರಥಮ ದರ್ಜೆ ಕಾಲೇಜು ದ್ವಿತೀಯ ಸ್ಥಾನ ಗಳಿಸಿತು. ಈ ತಂಡಗಳು ಸೆ.29 ರಂದು ಶಿವಮೊಗ್ಗದ ಜಿಲ್ಲಾ ಕನ್ನಡ ಸಾಹಿತ್ಯ
ಪರಿಷತ್ತಿನ ಸಾಹಿತ್ಯ ಗ್ರಾಮದಲ್ಲಿ ನಡೆಯುವ ಜಿಲ್ಲಾ ಮಟ್ಟದ ಸ್ಪರ್ಧೆಯಲ್ಲಿ ಭಾಗವಹಿಸಲು
ಆಯ್ಕೆಯಾದವು.
ಈ ರಸ ಪ್ರಶ್ನೆ ಕಾರ್ಯಕ್ರಮವನ್ನು ಕಸಾಪಕ ಕಾರ್ಯದರ್ಶಿ ಸೌಳಿ ನಾಗರಾಜ್
ಅವರು ಸೊಗಸಾಗಿ ನಡೆಸಿಕೊಟ್ಟರು.