ಚತುರ್ವಳಿ ಮಕ್ಕಳಿಗೆ ಜನ್ಮ ನೀಡಿದ ಮಹಾತಾಯಿ

ಚತುರ್ವಳಿ ಮಕ್ಕಳಿಗೆ ಜನ್ಮ ನೀಡಿದ ಮಹಾತಾಯಿ
ಸರ್ಜಿ ಆಸ್ಪತ್ರೆಯಲ್ಲಿ ವಿಸ್ಮಯ
ಆರೋಗ್ಯದ ಬಗ್ಗೆ ಹೆಚ್ಚಿನ ಕಾಳಜಿ

ರಾಜ್ಯದ ಮಕ್ಕಳ ಮಲ್ಟಿ ಸ್ಪೆಷಾಲಿಟಿ ಆಸ್ಪತ್ರೆಯಲ್ಲಿ ಒಂದಾಗಿರುವ ಶಿವಮೊಗ್ಗದ ಸರ್ಜಿ ಆಸ್ಪತ್ರೆಯಲ್ಲಿ ಚತುರ್ವಳಿ ಮಕ್ಕಳು ಏಕಕಾಲದಲ್ಲಿ ಸೋಮವಾರ ಜನಿಸಿವೆ.

 ಬೆಳಿಗ್ಗೆ ಅಲ್ಮಾಜ್ ಬಾನು‌ ಎನ್ನುವವರು ನಾಲ್ಕು ಮಕ್ಕಳಿಗೆ ಜನ್ಮ ನೀಡಿದ್ದಾರೆ. ಎರಡು ಗಂಡು, ಎರಡು ಹೆಣ್ಣು ಮಕ್ಕಳು ಜನಿಸಿವೆ. ಮಕ್ಕಳು ತೂಕ 1.1, 1.2, 1.3, 1.8 ಕೆಜಿ ಹೊಂದಿವೆ. ಅಲ್ಮಾಜ್ ಅವರು ಭದ್ರಾವತಿ ತಾಲೂಕು ತಡಸ ಗ್ರಾಮದ ಆರೀಫ್ ಅವರ ಪತ್ನಿ.

ಬಾಣಂತಿ ಹಾಗೂ ಮಕ್ಕಳು ಆರೋಗ್ಯವಾಗಿವೆ. ಆಸ್ಪತ್ರೆ ವೈದ್ಯರು ಮಕ್ಕಳು, ತಾಯಿಯ ಮೇಲೆ ನಿಗಾ ಇಟ್ಟಿದ್ದಾರೆ ಎಂದು ಸರ್ಜಿ ಆಸ್ಪತ್ರೆ ನಿರ್ದೇಶಕರಾದ ನಮಿತಾ ಸರ್ಜಿ ತಿಳಿಸಿದ್ದಾರೆ.