ನೆಲದ ಧ್ವನಿ ಎಫೆಕ್ಟ್: ನೆಸ್ಟ್ ಹೋಂ ಸ್ಟೇ ಮೇಲೆ ಪೊಲೀಸರ ದಾಳಿ

ನೆಸ್ಟ್ ಹೋಂ ಸ್ಟೇ ಮೇಲೆ ಪೊಲೀಸರ ದಾಳಿ

ಕುರುವಳ್ಳಿ ಬಂಡೆ ಹರಾಜಿಗೆ ರಿಂಗ್ ಟೆಂಡರ್

ಹಿರೇಸರಕ್ಕೆ ಮುತ್ತಿಗೆ ಹಾಕಿದ ಪೊಲೀಸರು

ಪರಾರಿಯಾದ ಸಿಂಡಿಕೇಟ್ ಸದಸ್ಯರು

"ನೆಲದ ಧ್ವನಿ" ಸುದ್ದಿಗೆ ಎಚ್ಚೆತ್ತ ಇಲಾಖೆ

ಮೇ 25 ರಂದು ಕುರುವಳ್ಳಿ ಬಂಡೆ ಹರಾಜು ನಡೆಯಲಿದೆ. ಇದರ ಸಂಬಂಧ ತೀರ್ಥಹಳ್ಳಿ ತಾಲ್ಲೂಕಿನ ಹಿರೇಸರ ನೆಸ್ಟ್ ಹೋಂ ಸ್ಟೇನಲ್ಲಿ ಮುಂಚಿತವಾಗಿ ರಿಂಗ್ ಟೆಂಡರ್ ಮೂಲಕ ಸರ್ಕಾರಕ್ಕೆ ಕೋಟ್ಯಂತರ ರೂಪಾಯಿ ನಷ್ಟಕ್ಕೆ ಮುಂದಾಗಿದ್ದರು. ಕಾನೂನು ಬಾಹಿರ ಮಾರ್ಗದ ಮೂಲಕ ಬಿಡ್ಡಿನಲ್ಲಿ ಪಾಲ್ಗೊಳ್ಳಲು 3 ಲಕ್ಷದ ಟೆಂಡರ್ ಮೊತ್ತ ಕಟ್ಟಿ ರಿಂಗ್ ಟೆಂಡರ್ ನಲ್ಲಿ ಭಾಗವಹಿಸಬೇಕಿತ್ತು. ಕೋಟ್ಯಾಂತರ ರೂಪಾಯಿ ಹಣ ಸಂಗ್ರಹಣೆ ನಡೆಯುತ್ತಿತ್ತು ಎಂಬ ಮಾಹಿತಿಯನ್ನು ನೆಲದ ಧ್ವನಿ ಬಿತ್ತರಿಸುತ್ತಿದ್ದಂತೆ ತೀರ್ಥಹಳ್ಳಿ ಪೊಲೀಸರು ದಾಳಿ ನಡೆಸಿದ್ದಾರೆ.

3 ರಿಂದ 5 ಕೋಟಿ ವ್ಯವಹಾರ ನಡೆಸಲು ಸುಮಾರು 45 ಜನ ಸೇರಿಕೊಂಡಿದ್ದರು. ಪೊಲೀಸರ ದಾಳಿ ಸ್ವಲ್ಪ ತಡವಾಗಿದ್ದರಿಂದ ಬಹುತೇಕರು ಅಲ್ಲಿಂದ ಕಾಲ್ಕಿತ್ತಿದ್ದರು. ದಾಳಿಯ ವೇಳೆ ಸಿಕ್ಕ ಬೆರಳೆಣಿಕೆಯ ಮಂದಿಯಿಂದ ಮಹತ್ವದ ಮಾಹಿತಿ ಕಲೆಹಾಕಲು ಪೊಲೀಸರು ಯಶಸ್ವಿಯಾಗಿದ್ದಾರೆ.

ರಿಂಗ್ ಟೆಂಡರ್ ಅಂದರೆ ಏನು?

ಇದು ಸರ್ಕಾರಕ್ಕೆ ಮಾಡುವ ಮಹಾಮೋಸ. ಕುರುವಳ್ಳಿ ಬಂಡೆ ಇಷ್ಟು ವರ್ಷಗಳ ಕಾಲ ಕೇವಲ ಗುತ್ತಿಗೆ ಲೈಸನ್ಸ್ ಮೇಲೆ ನಡೆಯುತ್ತಿತ್ತು. 2017 ರ ಕಾಯಿದೆ ಹಿನ್ನಲೆಯಲ್ಲಿ ಈ ವರ್ಷದಿಂದ ಟೆಂಡರ್ ಪ್ರಕ್ರಿಯೆ ಆರಂಭವಾಗಿದೆ. ಅಕ್ರಮ ವಹಿವಾಟಿನ ಕಾರಣ ಚಿನ್ನದ ಗಣಿ ಎಂದೇ ಪ್ರಸಿದ್ಧಿ ಪಡೆದಿರುವ ಕುರುವಳ್ಳಿ ಬಂಡೆ ಈಗ ಮತ್ತೊಂದು ಅಪವಾದಕ್ಕೆ ಗುರಿಯಾಗಿದೆ. ಸರ್ಕಾರಕ್ಕೆ ಹೆಚ್ಚು ಆದಾಯ ಸಂದಾಯವಾಗಬಾರದು ಎಂಬ ಉದ್ದೇಶದಲ್ಲಿ ಟೆಂಡರ್ ಅವಧಿ ಮುನ್ನ ಬಿಡ್ಡುದಾರರು ಒಂದೆಡೆ ಸೇರಿ ಒಳ ಒಪ್ಪಂದ ಮೂಲಕ ಕೋಟ್ಯಾಂತರ ರೂಪಾಯಿ ಹಣ ಉಳಿಸಿಕೊಂಡು ಕೆಲವೇ ಜನರಿಗೆ ಟೆಂಡರ್ ಸಲ್ಲಿಸುವ ಅವಕಾಶಕೊಟ್ಟು ಉಳಿದವರು ಟೆಂಡರ್ ನಿಂದ ಹಿಂದೆ ಸರಿಯುವರು. ಈ ಬಾಬ್ತು ಉಳಿದ ಕೋಟ್ಯಾಂತರ ರೂಪಾಯಿ ಹಣವನ್ನು ಟೆಂಡರ್ ನಿಂದ ಹಿಂದೆ ಸರಿದವರು ಹಂಚಿಕೊಳ್ಳುವುದು ರಿಂಗ್ ಟೆಂಡರ್ ನ ಸೂತ್ರ‌.