ಸಹಕಾರ ಸಂಘಗಳ ಕಾಯ್ದೆ
1956ರ ಕಲಂ 64ರಡಿ ತನಿಖೆ
5 ವರ್ಷಗಳ ವ್ಯವಹಾರ
ತನಿಖೆಗೆ ವಿಚಾರಣಾಧಿಕಾರಿ ನೇಮಿಸಿ ಆದೇಶ
ತೀರ್ಥಹಳ್ಳಿ ತಾಲ್ಲೂಕಿನ
ಹುಂಚದಕಟ್ಟೆ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘದಲ್ಲಿ 83 ಲಕ್ಷಕ್ಕೂ ಅಧಿಕ ಹಣದ ದುರುಪಯೋಗ ಮಾಡಿರುವ
ಕುರಿತು ಜಿಲ್ಲಾ ಬ್ಯಾಂಕಿಗೆ ವರದಿ ಸಲ್ಲಿಯಾಗಿದೆ. ಇದನ್ನು ತನಿಖೆಗೆ ಒಳಪಡಿಸಬೇಕೆಂದು ಡಿಸಿಸಿ ಎರಡನೇ
ವೃತ್ತ ಕ್ಷೇತ್ರಾಧಿಕಾರಿ ವರದಿ ಸಲ್ಲಿಸಿದ್ದರು. ಅದನ್ನು ಪರಿಶೀಲಿಸಿದ ಶಿವಮೊಗ್ಗ ಜಿಲ್ಲಾ ಡಿಸಿಸಿ
ಬ್ಯಾಂಕ್ ಮುಖ್ಯ ಕಾರ್ಯನಿರ್ವಾಹಕ ಸಹಕಾರ ಸಂಘಗಳ ನಿಬಂಧಕರಿಗೆ ಪತ್ರ ಬರೆದಿದ್ದು ಸಹಕಾರ ಸಂಘಗಳ ಕಾಯ್ದೆ
1956ರ 64ರಡಿ ವ್ಯವಹಾರವನ್ನು ತನಿಖೆಗೆ ಒಳಪಡಿಸಿ ಹೊಣೆಗಾರಿಕೆ ನಿರ್ಧರಿಸುವಂತೆ ಕೋರಿಕೊಂಡಿದ್ದರು.
35 ಲಕ್ಷ ಸುಳ್ಳು
ಖರ್ಚು ಹಾಕಿ ಜಾಮೀನು ಸಾಲ, 25 ಲಕ್ಷ ಸುಸ್ತಿ ಜಾಮೀನು ಸಾಲ ಇರುವ ಪ್ರಕರಣಗಳಿಗೆ ಪುನಃ ನೀಡಿರುವ ಜಾಮೀನು
ಸಾಲ, 22 ಲಕ್ಷ ಠೇವಣಿ ಖರ್ಚು ಸೇರಿದಂತೆ ಒಟ್ಟು 83 ಲಕ್ಷ ಹಣದ ದುರಪಯೋಗ ಆಗಿದೆ ಎಂದು ವರದಿಯಲ್ಲಿ
ಉಲ್ಲೇಖಿಸಿದೆ.
ದೂರಿನ ಆಧಾರ ಮೇಲೆ
2021 ರಿಂದ ಜೂನ್ 2026ರವರೆಗೆ 5 ವರ್ಷಗಳ ಅವಧಿಯಲ್ಲಿ ನಡೆದಿರುವ ಜಾಮೀನು ಸಾಲ ವಿತರಣೆ, ವಸೂಲಾತಿ,
ಠೇವಣಿ ಸಂಗ್ರಹ, ವಾಪಾಸಾತಿ, ಸಂಘದ ಸ್ವಂತ ಬಂಡವಾಳದಲ್ಲಿ ನಗದು ಪುಸ್ತಕಕ್ಕೆ ಜಮಾ ಪಡೆಯದೆ ವಿತರಿಸಿದ
ಕೃಷಿಯೇತರ ಸಾಲಗಳ ಮರು ಪಾವತಿ ಆಗಿರುವ ಮೊತ್ತದ ದುರಪಯೋಗ, ನ್ಯೂನ್ಯತೆ ಪರಿಶೀಲಿಸಿ 3 ತಿಂಗಳೊಳಗೆ
ಆರೋಪ ನಿಗಧಿಪಡಿಸಲು ಸೂಚಿಸಲಾಗಿದೆ.
ಈ ಸಂಬಂಧ ಹಣ ದುರಪಯೋಗ
ಪ್ರಕರಣವನ್ನು ಸಹಕಾರ ಸಂಘಗಳ ಕಾಯ್ದೆ 1956ರ ಕಲಂ 64 (1) ರಡಿ ವಿಚಾರಣಾಧಿಕಾರಿ ನೇಮಿಸಿ ಜಿಲ್ಲಾ
ಸಹಕಾರ ಸಂಘಗಳ ಸಹಾಯಕ ನಿಬಂಧಕ ಗುರುವಾರ ಆದೇಶ ಹೊರಡಿಸಿದ್ದಾರೆ. 3 ತಿಂಗಳ ಒಳಗೆ ತನಿಖೆಯ ವರಧಿ ಮತ್ತು
ಹೊಣೆಗಾರಿಕೆ ನಿರ್ಧರಿಸಬೇಕಿದೆ. ಅಲ್ಲದೇ ಹೆಚ್ಚುವರಿ ದುರುಪಯೋಗ ಕಂಡುಬಂದಲ್ಲಿ ಅವುಗಳನ್ನು ಪಟ್ಟಿ
ಮಾಡಿ ಆರೋಪ ಪಟ್ಟಿ ಸಲ್ಲಿಸುವಂತೆ ಆದೇಶದಲ್ಲಿ ಹೇಳಲಾಗಿದೆ.