ಗಾಯಿತ್ರಿ ಜೋಯಿಸ್ ನಿಧನ

ಗಾಯಿತ್ರಿ ಜೋಯಿಸ್ ನಿಧನ

ಪ್ರಗತಿಪರ ಕೃಷಿಕ ಮುನ್ನೂರು ಗುರುನಾಥ ಜೋಯಿಸ್ ಅವರ ಪತ್ನಿ ಗಾಯಿತ್ರಿ ಜೋಯಿಸ್ (62) ಅಲ್ಪಕಾಲದ ಅನಾರೋಗ್ಯದಿಂದ ಭಾನುವಾರ ರಾತ್ರಿ ಸೀಬಿನಕೆರೆಯ ಅವರ ನಿವಾಸದಲ್ಲಿ ನಿಧಹೊಂದಿದ್ದಾರೆ.

ದಶಕಗಳ ಹಿಂದೆಯೇ ಪ್ರಗತಿಪರ ಕೃಷಿಕರೆಂದು ಹೆಸರು ಮಾಡಿದ್ದ ಮತ್ತು ತೀರ್ಥಹಳ್ಳಿ ತುಂಗಾ ಕಾಲೇಜು ಆಡಳಿತ ಮಂಡಳಿ ನಿರ್ದೇಶಕರೂ ಆಗಿದ್ದ ದಿವಂಗತ ಪಾಂಡುರಂಗ ಜೋಯಿಸ್ ಅವರ ಸೊಸೆಯೂ ಆಗಿದ್ದ ಗಾಯಿತ್ರಿ ಅವರು ಗೌಡ ಸಾರಸ್ವತ ಸಮಾಜದಲ್ಲಿ ಚಿರಪರಿಚಿತರಾಗಿ ಗೌರವಕ್ಕೆ ಪಾತ್ರರಾಗಿದ್ದರು. ಅವರ ನಿಧನಕ್ಕೆ ಮುನ್ನೂರು ಗ್ರಾಮಸ್ಥರು, ಮಾಜಿ ಪಟ್ಟಣ ಪಂಚಾಯತ್ ಅಧ್ಯಕ್ಷ ಸಂದೇಶ ಜವಳಿ ಸೇರಿದಂತೆ ಅನೇಕರು ತೀವ್ರ ಶೋಕ ವ್ಯಕ್ತ ಪಡಿಸಿದ್ದು ಮೃತರ ಆತ್ಮಕ್ಕೆ ಚಿರಶಾಂತಿ ಕೋರಿದ್ದಾರೆ.