ರಿಯಾಯಿತಿ ದರದಲ್ಲಿ
ಮಣಿಪಾಲ ಸೌಲಭ್ಯ
ತೀರ್ಥಹಳ್ಳಿ ಪಟ್ಟಣದ ಕಾರ್ಯನಿರತ ಪತ್ರಕರ್ತರ ಸಂಘದ ಕಚೇರಿಯಲ್ಲಿ ಶನಿವಾರ ಮಣಿಪಾಲ ಕಸ್ತೂರ್ಬಾ ಆಸ್ಪತ್ರೆ ಮುಖ್ಯ ವ್ಯವಸ್ಥಾಪಕರಾದ ಸಚಿನ್ ಕಾರಂತ್ ಮಾತನಾಡಿ, ಹೊರ ರೋಗಿ ವಿಭಾಗದಲ್ಲಿ ತಜ್ಞ ಅಥವಾ ಸೂಪರ್ ಸ್ಪೆಷಲಿಸ್ಟ್ ವೈದ್ಯರ ಸಮಾಲೋಚನೆಯಲ್ಲಿ ಶೇಕಡಾ 50, ಪ್ರಯೋಗಾಲಯ ಪರೀಕ್ಷೆಯಲ್ಲಿ ಶೇಕಡಾ 30, ಸಿಟಿ, ಎಂಆರ್ಐ, ಅಲ್ಟಾಸೌಂಡ್ಗಳಲ್ಲಿ ಶೇಕಡಾ 20, ಹೊರರೋಗಿ ವಿಧಾನಗಳಲ್ಲಿ ಶೇಕಡಾ 20, ಔಷಧಾಲಯಗಳಲ್ಲಿ ಶೇಕಡಾ 12, ಒಳರೋಗಿ ವಿಭಾಗದ ಸಾಮಾನ್ಯ ವಾರ್ಡ್ನಲ್ಲಿ ಶೇಕಡಾ 25, ಕೋವಿಡ್ ಜನರಲ್ ವಾರ್ಡ್ನಲ್ಲಿ ಶೇಕಡಾ 10ರಷ್ಟು ರಿಯಾಯಿತಿ ಸೌಲಭ್ಯ ಸಿಗಲಿದೆ. ಮಣಿಪಾಲ ಆರೋಗ್ಯ ಕಾರ್ಡ್ ಹೊಂದಿರುವ ರೋಗಿಗಳಿಗೆ ಕೆಲವು ಚಿಕಿತ್ಸೆ ರಿಯಾಯಿತಿ ದರದಲ್ಲಿ ದೊರೆಯುತ್ತದೆ. ಸಣ್ಣ ಮಟ್ಟದ ಹೂಡಿಕೆ ಸಂಪೂರ್ಣ ಕುಟುಂಬಕ್ಕಾಗಿ ಶ್ರೇಷ್ಠ, ಮೌಲ್ಯ ಮತ್ತು ವಿಶ್ವಾಸಾರ್ಹ ಸೇವೆ ನೀಡಲಿದೆ. ಕಾರ್ಡ್ ಹೊಂದಿದವರಿಗೆ ವಿಶೇಷ ಆದ್ಯತೆ ಸಿಗಲಿದೆ ಎಂದು ತಿಳಿಸಿದರು.
ದಕ್ಷಿಣ ಕನ್ನಡ, ಉತ್ತರ
ಕನ್ನಡ, ಹಾವೇರಿ, ದಾವಣಗೆರೆ, ಚಿತ್ರದುರ್ಗ, ಶಿವಮೊಗ್ಗ, ಚಿಕ್ಕಮಗಳೂರು, ಉತ್ತರ ಕನ್ನಡ, ಹಾವೇರಿ,
ಬಳ್ಳಾರಿ ಸೇರಿದಂತೆ ಕರಾವಳಿ ಕರ್ನಾಟಕ ಮತ್ತು ಮಧ್ಯೆ ಕರ್ನಾಟಕದ ಸುಮಾರು 12ಕ್ಕೂ ಹೆಚ್ಚು ಜಿಲ್ಲೆಗಳಿಗೆ ಆರೋಗ್ಯ ಸೇವೆ ನೀಡುತ್ತಿದೆ. ಕೇರಳ, ಗೋವಾದಂತಹ ನೆರೆ ರಾಜ್ಯಗಳಿಗೂ
ವಿಸ್ತರಣೆ ಪಡೆದುಕೊಂಡಿದೆ. 2022ರ ಕಾರ್ಡ್ ನೋಂದಣಿ ಪ್ರಾರಂಭವಾಗಿದ್ದು ಒಂದು ಮತ್ತು ಎರಡು ವರ್ಷದ
ಕಾರ್ಡಿನ ಸದಸ್ಯತ್ವ ಪಡೆದುಕೊಳ್ಳಬಹುದು. ಒಬ್ಬರಿಗೆ ಅಥವಾ ಕುಟುಂಬ ಸದಸ್ಯರು ಮಣಿಪಾಲ ಕಾರ್ಡ್ ಉಪಯೋಗ
ಪಡೆಯಬಹುದು ಎಂದರು. ಇದೇ ಸಂದರ್ಭದಲ್ಲಿ ಪತ್ರಕರ್ತರಿಗೂ ಮಣಿಪಾಲ ಆರೋಗ್ಯ ಕಾರ್ಡ್ ವಿತರಿಸಿದರು.
ಈ ಸಂದರ್ಭದಲ್ಲಿ ವ್ಯವಸ್ಥಾಪಕರಾದ ಮೋಹನ್ ಶೆಟ್ಟಿ, ಸಹಾಯಕ ವ್ಯವಸ್ಥಾಪಕರಾದ ಕೃಷ್ಣ ಪ್ರಸಾದ್ ಬಿ.ಎಸ್., ಅನಿಲ್
ನಾಯ್ಕ್, ತೀರ್ಥಹಳ್ಳಿ ಮುಖ್ಯಸಂಯೋಜಕರಾದ ಪ್ರಶಾಂತ್ ಮಕ್ಕಿಮನೆ ಇದ್ದರು.