ಒಂಟಿಸಲಗ ಹೋಯ್ತೆಂಬ ಖುಷಿ ಕಸಿದ ಕಾಡಾನೆ ಆಗಮನ
ತೀರ್ಥಹಳ್ಳಿ ತಾಲ್ಲೂಕಿನ ಆಗುಂಬೆ, ಬಿದರಗೋಡು ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಶುಕ್ರವಾರ
ಬೆಳಗ್ಗಿನ ಜಾವ ಕಾಡಾನೆ ಲೂಟಿ ನಡೆದಿದೆ. ಹಿಂದೆ ಇದ್ದ ಒಂಟಿ ಕಾಡಾನೆ ಕಳೆದ ವರ್ಷ ಕಾಲ್ತುಳಿದ ಹಿನ್ನಲೆಯಲ್ಲಿ
ಹಿಡಿದು ಪಳಗಿಸುವ ಪ್ರಯತ್ನ ನಡೆಸಲಾಗಿತ್ತು. ಕೋರ್ಟ್‌ ಸೂಚನೆ ಸಿಗದ ಹಿನ್ನಲೆಯಲ್ಲಿ ಕೊನೆಯದಾಗಿ ಬಂಡೀಪುರ
ಕಾಡಿಗೆ ಬಿಟ್ಟು ಮತ್ತೆ ಕಾಡಿಗೆ ಅಟ್ಟಿದ್ದರು.
ಕಿಗ್ಗಾ ಭಾಗದಲ್ಲಿ ಎರಡ್ಮೂರು ದಿನಗಳ ಹಿಂದೆ ಗಂದೆ ಲೂಟಿ ಮಾಡಿದ್ದ ಎರಡು ಕಾಡಾನೆಗಳ ಪೈಕಿ ಒಂದು
ಕಾಡಾನೆ ಶುಕ್ರವಾರ ಮಲ್ಲಂದೂರಿಗೆ ಲಗ್ಗೆ ಇಟ್ಟಿದೆ. ಮತ್ತೊಂದು ಕಾಡಾನೆ ಸಿಳಿವು ಸದ್ಯಕ್ಕೆ ಸಿಕ್ಕಿಲ್ಲ.
ಆದರೀಗ ಎರಡು ಕಾಡಾನೆ ಆಗಮಿಸುವ ಭಯದಲ್ಲಿರುವ ಮಲ್ಲಂದೂರು ಗ್ರಾಮದಲ್ಲಿ ಆನೆಗಳು ನಿರಂತರ ಸಂಚಾರ ನಡೆಸುವ
ಭಯ ಎದುರಾಗಿದೆ. ಸಮೀಪದ ಕೊಪ್ಪರತೋಟ ಗ್ರಾಮದ ರೈತ ಶೇಖರಪ್ಪ ಅವರ ಭತ್ತದ ಗದ್ದೆಗೆ ಆನೆ ಲಗ್ಗೆ ಇಟ್ಟಿದ್ದು
ಭತ್ತ ಹುಡಿಮಾಡಿದೆ.
ಒಂಟಿಸಲಗದ ಕಾಟದಿಂದ ಮಲ್ಲಂದೂರು ಶಾಂತವಾಗಿರಲಿದೆ ಎಂಬ ನಂಬುಗೆ ಹೊಂದಿದ್ದ ಗ್ರಾಮದಲ್ಲಿ ಇದೀಗ
ಆನೆಗಳ ಹಾವಳಿ ಆರಂಭವಾಗುವ ಮುನ್ಸೂಚನೆ ಲಭಿಸಿದೆ. ಹಾನಿ ಪ್ರಮಾಣ ಹೆಚ್ಚಾಗುವ ಸನ್ನಿವೇಶ ಎದುರಾಗಿದ್ದ
ರೈತರು ಕಂಗಾಲಾಗಿದ್ದಾರೆ.