ಮುಸ್ಲಿಂ ಮತದಾರರ ಹೆಸರು ತೆಗೆಯಲು ಮನವಿ ಸಲ್ಲಿಸಿದ ಬಿಜೆಪಿ
ಕಾರ್ಯಕರ್ತ
ವಾಸ್ತವ ಪರಿಶೀಲಿಸಿ ಎಫ್ಐಆರ್ ದಾಖಲಿಸಲು ಆಗ್ರಹ
ತೀರ್ಥಹಳ್ಳಿಯ ಸುರಳಿ ಬಾಳೇಬೈಲು ಗ್ರಾಮದ 186 ಭಾಗದ ಮತದಾರರ ಕರಡು
ಪಟ್ಟಿಯಲ್ಲಿ ಅನಿವಾಸಿಗಳನ್ನು ಸೇರಿಸಲಾಗಿದೆ. ಅವರ ಹೆಸರನ್ನು ಪಟ್ಟಿಯಿಂದ ತೆಗೆದುಹಾಕಬೇಕು ಎಂದು
ಇಂದಿರಾನಗರದ ಸತೀಶ್ ತೀರ್ಥಹಳ್ಳಿಯ ಚುನಾವಣಾಧಿಕಾರಿಯಾಗಿ ಮನವಿ ಸಲ್ಲಿಸಿದ್ದು ರಾಜ್ಯವ್ಯಾಪಿ ಕೋಲಾಹಲಕ್ಕೆ
ಕಾರಣವಾಗಿದೆ.
ಸತೀಶ್ ಸಲ್ಲಿಸಿರುವ ಒಟ್ಟು 81 ಮತದಾರರ ಪಟ್ಟಿಯಲ್ಲಿ ಕೇವಲ 3 ಹಿಂದೂಗಳನ್ನು ಹೊರತುಪಡಿಸಿ ಉಳಿದವರೆಲ್ಲರು
ಮುಸ್ಲಿಂ ಸಮುದಾಯಕ್ಕೆ ಸೇರಿರುವುದು ಇದರ ಹಿಂದೆ ದುರುದ್ದೇಶ ಇದೆ ಎಂಬ ಚರ್ಚೆಗೆ ಎಡೆ ಮಾಡಿಕೊಟ್ಟಿದೆ. ಎಸ್ಐಆರ್ ಪ್ರಕ್ರಿಯೆಯಲ್ಲಿ ಮತದಾರರ ಪಟ್ಟಿಯಲ್ಲಿರುವ ಹೆಸರಿನ ಸೇರ್ಪಡೆ ಅಥವಾ
ಅಳಿಸುವಿಕೆಗೆ ಆಕ್ಷೇಪಣೆ ಸಲ್ಲಿಸಲು ಫಾರ್ಮ್-7 ಬಳಸಲಾಗುತ್ತದೆ. ಆದರೆ ಸುರಳಿ ಬಾಳೇಬೈಲು ಘಟನೆ ಭಿನ್ನವಾಗಿದೆ.
ತೀರ್ಥಹಳ್ಳಿ ನಿವಾಸಿ ಫಾರೂಕ್ ನೀಡಿರುವ ಮಾಹಿತಿಯ ಪ್ರಕಾರ, ಪಟ್ಟಿಯಲ್ಲಿ ಹೆಸರುಗಳನ್ನು ಉಲ್ಲೇಖಿಸಿರುವ
ಎಲ್ಲರೂ ಜೀವಂತವಾಗಿದ್ದಾರೆ ಮತ್ತು ಅದೇ ಪ್ರದೇಶದಲ್ಲೇ ವಾಸಿಸುತ್ತಿದ್ದಾರೆ. ಕೆಲವರು ಸಮೀಪದ
ಗ್ರಾಮಗಳಿಗೆ ಸ್ಥಳಾಂತರಗೊಂಡು ಬಾಡಿಗೆ ಮನೆಗಳಲ್ಲಿ ವಾಸಿಸುತ್ತಿದ್ದರೂ, ಅವರು ಪ್ರದೇಶದಿಂದ ಸಂಪೂರ್ಣವಾಗಿ ಹೊರಹೋಗಿಲ್ಲ
ಎಂದು ತಿಳಿಸಿದ್ದಾರೆ.
ತಮ್ಮ ಹೆಸರುಗಳನ್ನು ಅಳಿಸುವ ಪ್ರಕ್ರಿಯೆ ನಡೆಯುತ್ತಿದೆ ಎಂಬ ವಿಚಾರವೂ
ಪಟ್ಟಿಯಲ್ಲಿರುವ ನಿವಾಸಿಗಳಿಗೆ ಆರಂಭದಲ್ಲಿ ತಿಳಿದಿರಲಿಲ್ಲ ಎನ್ನಲಾಗಿದೆ. ಗ್ರಾಮ ಪಂಚಾಯಿತಿ
ಸದಸ್ಯರೊಬ್ಬರಿಗೆ ಈ ವಿಚಾರ ತಿಳಿದು,
ವಿಚಾರಣೆ ನಡೆಯುತ್ತಿರುವ ಬಗ್ಗೆ ನಿವಾಸಿಗಳಿಗೆ ಮಾಹಿತಿ ದೊರೆತ ಬಳಿಕವೇ ಅವರು ಈ ವಿಷಯವನ್ನು
ಅರಿತುಕೊಂಡಿದ್ದಾರೆ ಎಂದು ಫಾರೂಕ್ ಹೇಳಿದ್ದಾರೆ.
ಪ್ರಕರಣ ಬೆಳಕಿಗೆ ಬಂದ ಬಳಿಕ ಸ್ಥಳೀಯ ಚುನಾವಣಾ ನೋಂದಣಿ ಅಧಿಕಾರಿ (ERO) ಪಟ್ಟಿಯಲ್ಲಿನ ಮತದಾರರಿಗೆ ಅನ್ಯಾಯವಾಗದ ಭರವಸೆ
ನೀಡಿದ್ದಾರೆ ಎನ್ನಲಾಗಿದೆ. ಪಟ್ಟಿಯಿಂದ ಯಾರ ಹೆಸರನ್ನು ಈವರೆಗೆ ಕೈಬಿಟ್ಟಿಲ್ಲ. ಅವರ ವಾಸದ
ವಾಸ್ತವ ವರದಿ ಪಡೆಯಲಾಗುತ್ತಿದೆ ಎಂಬ ಬಗ್ಗೆ ಮಾಹಿತಿ ಲಭಿಸಿದೆ.
ಅರ್ಹ ಮತದಾರರರನ್ನು ಉಲ್ಲೇಖಿಸಿ “ಮತದಾರರು ವಾಸವಿಲ್ಲ” ಪಟ್ಟಿ ನೀಡಿದ
ಬಿಜೆಪಿ ಯುವಮೋರ್ಚಾ ಪದಾಧಿಕಾರಿ ಹೇಳಲಾಗಿರುವ ಈತನ ವಿರುದ್ಧ ಕಾನೂನು ಕ್ರಮ
ಜರುಗಿಸಬೇಕು. ತಪ್ಪು ಮಾಹಿತಿ ನೀಡಲು ಕಾರಣವೇನು. ಈ ಷಡ್ಯಂತ್ರದ ಹಿಂದೆ ಯಾರಿದ್ದಾರೆ ಎನ್ನುವುದು
ಆತನ ಮೇಲೆ ಎಫ್ಐಆರ್ ದಾಖಲಿಸಿ ತನಿಖೆ ಮೂಲಕ ತಿಳಿದುಕೊಳ್ಳಬೇಕೆಂದು ಅಲ್ಲಿನ
ನಿವಾಸಿಗಳು ಆಗ್ರಹಿಸಿದ್ದಾರೆ.